കരിവെള്ളൂർ മുച്ചിലോട്ട് ഭഗവതി ക്ഷേത്രം
കരിവെള്ളൂരിലെ ഓണക്കുന്നിൽ സ്ഥിതി ചെയ്യുന്ന ദേവീ ക്ഷേത്രമാണ് കരിവെള്ളൂർ മുച്ചിലോട്ട് ഭഗവതി ക്ഷേത്രം. നൂറ്റിപ്പതിമൂന്ന് മുച്ചിലോട്ട് കാവുകളിൽ പ്രഥമ സ്ഥാനം കരിവെള്ളൂർ മുച്ചിലോട്ട് ഭഗവതി ക്ഷേത്രത്തിനാണ്. ഈ ക്ഷേത്രം മുച്ചിലോട്ട് ഭഗവതിയുടെ ആരൂഢസ്ഥാനമായി കണക്കാക്കുന്നു. വാണിയ സമുദായസ്ഥരുടെ കുലദേവതയാണ് മുച്ചിലോട്ട് ഭഗവതി. മറ്റെല്ലാ മുച്ചിലോട്ട് ഭഗവതി ക്ഷേത്രങ്ങളിലും പീഠ പ്രതിഷ്ഠയാണെങ്കിൽ കരിവെള്ളൂരിൽ ഭഗവതി തൊട്ടിലിലിരിക്കുന്നതു പോലെയാണ് പ്രതിഷ്ഠ. അതുപോലെ മറ്റുസ്ഥലങ്ങളിൽ നിവേദ്യം വെളിച്ചെണ്ണയിലായിരിക്കുമ്പോൾ കരിവെള്ളൂരിൽ നെയ്യിലാണ് നിവേദ്യം.
![](http://upload.wikimedia.org/wikipedia/commons/thumb/8/8c/%E0%B4%95%E0%B4%B0%E0%B4%BF%E0%B4%B5%E0%B5%86%E0%B4%B3%E0%B5%8D%E0%B4%B3%E0%B5%82%E0%B5%BC_%E0%B4%AE%E0%B5%81%E0%B4%9A%E0%B5%8D%E0%B4%9A%E0%B4%BF%E0%B4%B2%E0%B5%8B%E0%B4%9F%E0%B5%8D%E0%B4%9F%E0%B5%8D%E2%80%8C_%E0%B4%95%E0%B5%8D%E0%B4%B7%E0%B5%87%E0%B4%A4%E0%B5%8D%E0%B4%B0%E0%B4%82.jpg/220px-%E0%B4%95%E0%B4%B0%E0%B4%BF%E0%B4%B5%E0%B5%86%E0%B4%B3%E0%B5%8D%E0%B4%B3%E0%B5%82%E0%B5%BC_%E0%B4%AE%E0%B5%81%E0%B4%9A%E0%B5%8D%E0%B4%9A%E0%B4%BF%E0%B4%B2%E0%B5%8B%E0%B4%9F%E0%B5%8D%E0%B4%9F%E0%B5%8D%E2%80%8C_%E0%B4%95%E0%B5%8D%E0%B4%B7%E0%B5%87%E0%B4%A4%E0%B5%8D%E0%B4%B0%E0%B4%82.jpg)
ഭഗവതിയുടെ സാമിപ്യം ആദ്യമായി അറിഞ്ഞ തെണ്ടച്ചന്റെ(മുച്ചിലോട്ട് പടനായർ) [1]ആരൂഠമാണ് ക്ഷേത്രത്തിനടുത്ത ഭണ്ഡാരപ്പുര. മുച്ചിലോട്ട് പടനായരുടെ ഭാര്യയ്ക്ക് സപീപ്യം വ്യക്തമാക്കിയ മണിക്കിണർ ക്ഷേത്രത്തിന്റെ കന്നിരാശിയിലാണ്.
തെയ്യങ്ങളുടെ കുലപതി ആയ മണക്കാടൻ ഗുരുക്കൾ വംശപരമ്പരക്കാണു കരിവെള്ളൂർ മുച്ചിലോട്ട് ഭഗവതിയുടെ കോലം കെട്ടാൻ അവകാശം
- ↑ "Muchilottu Bhagavathy: Fell into a trap but turned into a goddess". Retrieved 2022-03-01.