കവിതാവിലാസിനി (മാസിക)

ഇംഗ്ലീഷ് വിലാസം

https://ml.wikipedia.org/wiki/Kavana_kaumudy

കവനകൗമുദി മാസികയുടെ മാതൃകയിൽ 1087 കന്നി മുതൽ കായങ്കുളത്തു നിന്നും പുറപ്പെട്ടിരുന്ന ഒരു മാസികയാണ് കവിതാവിലാസിനി. പി. ജി. നാരായണപ്പണിക്കർ, കായങ്കുളം നവ രത്നപ്രഭാ അച്ചുകൂടത്തിൽനിന്നും അച്ചടിപ്പിച്ചു പ്രസിദ്ധപ്പെടുത്തിയിരുന്ന ഈ കമനീയ മാസികക്ക് രണ്ടു രൂപയായിരുന്നു വരി സംഖ്യ. ആദ്യ ലക്കത്തിൽ 'വാക്യം രസാത്മ കം കാവ്യം' എന്ന പ്രസ്താവന നൽകിയിരുന്നു ഈ തലക്കെട്ടിൽ നിന്നും മാസികയുടെ പ്രവർത്തനലക്ഷ്യം ഗ്രഹിക്കാം..

"കവിതകൾക്കു പുറമെ അന്തരിച്ചുപോയ മഹാന്മാരുടെ ജീവചരിത്രങ്ങളും, സാഹിത്യസരണിയിൽ ശ്രമിച്ചുകൊണ്ടിരി ക്കുന്ന സരസന്മാരായ കവികളുടെയും രസവേദികളായ മറ്റു സാഹിത്യകാരന്മാരുടെയും ശ്രമങ്ങളെക്കുറിച്ചുള്ള വിവരങ്ങളും ചേർക്കുന്നതിനു ഞങ്ങൾ നിശ്ചയിച്ചിട്ടുണ്ട്." എന്ന് പ്രസാധകർ ആദ്യ ലക്കത്തിൽ പ്രസ്താവിക്കുന്നു.

പ്രസാധകർ

പരവൂർ വി. കേശവനാശാൻ, മൂലൂർ എസ്. പത്മനാഭപ്പണിക്കർ, കായങ്കുളം കെ. സി. കുഞ്ഞുവൈദ്യൻ, കൃഷ്ണപുരം കെ.സി. കുഞ്ഞു രാമൻ വക്കീൽ എന്നിവരായിരുന്നു കവിതാവിലാസിനിയുടെ പ്രസാധകർ. വേമ്പനാട് വി. ജി. നാരായണപ്പണിക്കരും കൊന്നക്കോട്ടു കുഞ്ഞു ശങ്കരൻ ചാന്നാരുമായിരുന്നു മാനേജിങ് ഉടമസ്ഥന്മാർ.