കാരി-ആൻ മോസ്

ഇംഗ്ലീഷ് വിലാസം

https://ml.wikipedia.org/wiki/Carrie-Anne_Moss

കാരി-ആൻ മോസ്
Moss at the 2016 Peabody Awards
ജനനം	(1967-08-21) ഓഗസ്റ്റ് 21, 1967 ബേർണബി, ബ്രിട്ടീഷ് കൊളംബിയ, കാനഡ
തൊഴിൽ	നടി
സജീവ കാലം	1989–ഇതുവരെ
ഉയരം	174 സെ.മീ (5 അടി 9 ഇഞ്ച്)
ജീവിതപങ്കാളി(കൾ)	Steven Roy (m. 1999)
കുട്ടികൾ	3

കാരി-ആൻ മോസ് (ജനനം ആഗസ്റ്റ് 21, 1967) ഒരു കനേഡിയൻ അഭിനേത്രിയാണ്. ടെലിവിഷനിലെ ആദ്യകാല വേഷങ്ങൾക്കുശേഷം, ദി മാട്രിക്സ് ട്രൈലോഗി (1999-2003) എന്ന ചിത്രത്തിലെ വേഷത്തിലൂടെ അവർ അന്താരാഷ്ട്ര പ്രശസ്തിയിലേക്ക് ഉയർന്നു. മെമെന്റോ (2000), റെഡ് പ്ലാനറ്റ് (2000), ചോക്കലാറ്റ് (2000), ഫിഡോ (2006), സ്നോ കേക്ക് (2006) ഡിസ്റ്റർബിയ (2007), അൺതിങ്കബിൾ (2010), സൈലന്റ് ഹിൽ: റെവെലേഷൻ (2012), പോമ്പി (2014) എന്നീ ചിത്രങ്ങളിലെ ശ്രദ്ധേയ വേഷങ്ങളിൽ അവർ അഭിനയിച്ചിരുന്നു. മാർവൽ സിനിമാറ്റിക്ക് യൂണിവേഴ്സിന്റെ നിരവധി ടെലിവിഷൻ പരമ്പരകളിലെ വേഷങ്ങളിലൊന്നായ ജെസ്സിക്ക ജോൺസിലെ (2015 - 2019) ജെറി ഹോഗാർത് എന്ന കഥാപാത്രത്തെയാണ് അവർ സമീപകാലത്ത് അവതരിപ്പിച്ചുകൊണ്ടിരിക്കുന്നത്.

ആദ്യകാലം

ബ്രിട്ടീഷ് കൊളംബിയയിലെ ബർണാബിയിൽ, ബാർബറ, മെൽവിൻസ് മോസ് എന്നിവരുടെ മകളായി കാരി-ആൻ മോസ് ജനിച്ചു. അവർക്ക് ബ്രൂക്ക് എന്ന പേരിൽ ഒരു മൂത്ത സഹോദരനുണ്ട്. മോസിന്റെ മാതാവു പറയുന്നതുപ്രകാരം 'ദി ഹോളീസ്' എന്ന ബ്രിട്ടീഷ് പോപ്പ്/റോക്ക് ഗ്രൂപ്പിന്റെ 1967- മെയ് മാസത്തിൽ പുറത്തിറങ്ങിയ "കാരി ആൻ" എന്ന ഹിറ്റ് ഗാനത്തിന്റെ പേരാണ് മകൾക്കു നൽകപ്പെട്ടത്. മോസ് കുട്ടിയായിരിക്കുമ്പോൾ മാതാവിനോടൊപ്പം വാൻകൂവറിലായിരുന്നു താമസിച്ചിരുന്നത്. 11 വയസ്സുള്ളപ്പോൾ അവർ വാൻകൂവറിലെ കുട്ടികളുടെ സംഗീത തിയറ്ററിൽ ചേരുകയും പിന്നീട് മുതിർന്ന ക്ലാസുകളിലെത്തിയ വർഷത്തിൽ മാഗീ സെക്കൻഡറി സ്കൂൾ ക്വയറുമായി ഒരു യൂറോപ്യൻ പര്യടനം നടത്തുകയും ചെയ്തു.

ബാഹ്യ ലിങ്കുകൾ

• ഇന്റർനെറ്റ് മൂവി ഡാറ്റാബേസിൽ നിന്ന് കാരി-ആൻ മോസ്
• കാരി-ആൻ മോസ് at AllMovie
• കാരി-ആൻ മോസ് at the British Film Institute
• കാരി-ആൻ മോസ് in the Danish Film Database