കെ. കാർത്തികേയൻ (പത്ര പ്രവർത്തകൻ)

ഇംഗ്ലീഷ് വിലാസം

https://ml.wikipedia.org/wiki/K._Karthikeyan

പ്രമുഖ പത്ര പ്രവർത്തകനും പത്ര പ്രവർത്തക യൂണിയൻ നേതാവുമായിരുന്നു 'കെ. കാർത്തികേയൻ(മരണം :1966 മാർച്ച് 21)'. കേരള കൗമുദി ചീഫ് എഡിറ്ററും എസ്.എൻ.ഡി.പി. യോഗം സെക്രട്ടറിയും ഇന്ത്യൻ ഫെഡറേഷൻ ഓഫ് വർക്കിങ്ങ് ജേണലിസ്റ്റ് ദേശീയ ജനറൽ സെക്രട്ടറിയുമായിരുന്നു പൊതുജനം കാർത്തികേയൻ എന്ന പേരിൽ പ്രശസ്തനായിരുന്നു.

ജീവിതരേഖ

പള്ളിത്താഴത്ത് വീട്ടിൽ കൃഷ്ണന്റെയും കാളിയമ്മയുടെയും മകനാണ്. 1904 മീന മാസം ചതയം നക്ഷത്രത്തിൽ തിരുവനന്തപുരം അഞ്ചുതെങ്ങിൽ ജനിച്ചു. 1920-25 കാലത്ത് മദ്രാസ് യൂണിവേഴ്‌സിറ്റിയിൽ നിന്ന് സ്വർണമെഡലോടെ ബി.എ.ഓണേഴ്‌സും എം.എ.യും പാസ്സായി. കൊല്ലത്തു നിന്ന് പ്രസിദ്ധീകരിച്ചിരുന്ന വനിതാ മാസിക, സഹോദരിയുടെ പത്രാധിപരായിപ്രവർത്തിച്ചു കാർത്തികേയനെ പ്രശസ്തനാക്കിയത് കെ. ബാലകൃഷ്ണന്റെ പത്രാധിപത്യത്തിലുള്ള കൗമുദി ആഴ്ചപ്പതിപ്പിൽ എഴുതിയ കിറുക്കുകൾ എന്ന പംക്തിയാണ്. 1950-54 കാലത്താണ് കാർത്തികേയൻ കിറുക്കുകൾ എഴുതുത്. ആക്ഷേപഹാസ്യത്തിൽ കാർത്തികേയന്റെ ശൈലി അതുല്യമായിരുന്നു. സമകാലിക രാഷ്ട്രീയമായിരുന്നു വിഷയം. കളിയാക്കപ്പെടാത്ത ആരും അന്ന് തിരുവിതാംകൂർ രാഷ്ട്രീയത്തിൽ ഉണ്ടായിരുന്നില്ല.

പംക്തിയിലെ പത്ത് ലേഖനങ്ങൾ സമാഹരിച്ച് 1956 ൽ 'കിറുക്കുകൾ' എന്ന പേരിൽ പുസ്തകം പ്രസിദ്ധീകരിച്ചിരുന്നു. 1954 ൽ കേരള കൗമുദിയിൽ നിന്ന് വിരമിച്ചു. 54ലാണ് എസ്.എൻ.ഡി.പി.സിക്രട്ടറിയായത്. വിരമിച്ച ശേഷം 1958 ൽ അദ്ദേഹം ആരംഭിച്ച പത്രമാണ് പൊതുജനം. മരണം വരെ അതിന്റെ പത്രാധിപരായി തുടർന്നു.

കെ. കാർത്തികേയൻ 1966 മാർച്ച് 21ന് അന്തരിച്ചു. ഭാരതിയാണ് ഭാര്യ. ഡോ. ശാരദാദേവി, കെ.ബാലകൃഷ്ണൻ, കെ.രാജേന്ദ്രൻ എന്നിവർ മക്കളാണ്.

കൃതികൾ

• കിറുക്കുകൾ
• യന്ത്രയുഗത്തിൽനിന്ന് ആറ്റം യുഗത്തിലേക്ക്

സ്മരണ

കാർത്തികേയന്റെ സ്മരണക്കായി തിരുവനന്തപുരം കുമാരപുരത്തുള്ള ഒരു റോഡിന് പൊതുജനം റോഡ് എന്ന് പേര് നൽകിയിട്ടുണ്ട്.