ചെറുതിമിംഗലം

ഇംഗ്ലീഷ് വിലാസം

https://ml.wikipedia.org/wiki/Balaenoptera_acutorostrata

ചെറുതിമിംഗിലം
Dwarf minke whale
Size compared to an average human
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Mammalia
Subclass:	Eutheria
Order:	Cetacea
Suborder:	Mysticeti
Family:	Balaenopteridae
Genus:	Balaenoptera
Species:	B. acutorostrata
Binomial name
Balaenoptera acutorostrata Lacepede, 1804
Common minke whale range
Dwarf minke whale range

രോർക്കാൽ തിമിംഗിലങ്ങൾക്കിടയിൽ ഏറ്റവും ചെറുതും ഏറ്റവും സാധാരണമായ ഇനമാണ് ചെറുതിമിംഗിലം (Minke whale - Balaenoptera acutorostrata). മുകൾഭാഗം ഇരുണ്ടു ചാരനിറമോ തവിട്ടു നിറമോ ആയിരിക്കും. ത്രികോണാകൃതിയിൽ കൂർമ്മയുള്ള തലയും കൂർത്ത മോന്തയും തലയിൽ പൊന്തിനിൽക്കുന്ന നീളത്തിലുള്ള വരെയുമുണ്ട്. മിക്കവയ്ക്കും തുഴകളിൽ വെളുത്തതും വീതിയുള്ളതുമായ വരെയുണ്ട്. പക്ഷേ, ഈ വരിയുടെ രൂപത്തിൽ വ്യത്യാസം വരാം.

പെരുമാറ്റം

ത്രികോണാകൃതിയിലുള്ള മോന്തകൊണ്ട് വെള്ളത്തെ കീറിമുറിച്ചുയർന്നുവരുന്ന ഇവയെ വളരെ പെട്ടെന്ന് തിരിച്ചറിയാം. മോന്ത വെള്ളത്തിനു മുകളിലായാലുടനെ വെള്ളം ചീറ്റാൻ തുടങ്ങും. പക്ഷേ അത്രശ്രദ്ധേയം അല്ലാത്ത ഈ ചീറ്റൽ വെള്ളം സ്പ്രേ ചെയ്യുന്നതു പോലെ തോന്നിപ്പിക്കും. രണ്ടു മൂന്നു മീറ്റർ ഉയരം വരെ എത്താറുണ്ട്. അപൂർവ്വമായിട്ടെങ്കിലും വെള്ളത്തിൽ നിന്നു പോന്തുന്ന സമയത്ത് 45° ചെരിഞ്ഞാണ് പുറത്തുവരുന്നത്. എന്നിട്ട് അതേപോലെ തിരിച്ചുവീഴുകയോ ഡോൾഫിനെപ്പോലെ തല ആദ്യം വെള്ളത്തിൽ പൂഴ്ത്തി മുങ്ങുകയോ ചെയ്യും.

വലിപ്പം

ശരീരത്തിന്റെ മൊത്തം നീളം  6.7 മീറ്റർ മുതൽ 10.7 മീറ്റർ, തൂക്കം 500 മുതൽ 1000 കിലോഗ്രാം.

ആവാസം/കാണപ്പെടുന്നത്

മിതശീതോഷ്ണ സമുദ്രങ്ങൾ, ഉഷ്ണമേഖലാ സമുദ്രങ്ങളിൽ അപൂർവ്വമായേ കാണപ്പെടുന്നുള്ളൂ. തമിഴ്നാട്ടിലും ആന്ധ്രാപ്രദേശിലും ഒഡീഷയിലും കരയ്ക്കടിഞ്ഞിട്ടുണ്ട്.

നിലനിൽപ്പിനുള്ള ഭീഷണി

വ്യവസായികാടിസ്ഥാനത്തിലുള്ള തിമിംഗിലവേട്ടയും മത്സ്യബന്ധനവലകളും.

ഇതും കാണുക

• കേരളത്തിലെ സസ്തനികൾ