തോട്ടപ്പള്ളി തച്ചൻ

ഇംഗ്ലീഷ് വിലാസം

https://ml.wikipedia.org/wiki/Thottappally_Thachan

തോട്ടപ്പള്ളി തച്ചൻ
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Cossidae
Subfamily:	Zeuzerinae
Genus:	Xyleutes
Species:	X. ramamurthyi
Binomial name
Xyleutes ramamurthyi Yakovlev & H. Sankararaman, 2021

കേരളത്തിൽ നിന്ന് 2018ൽ കണ്ടെത്തിയ നിശാശലഭമാണ് തോട്ടപ്പള്ളി തച്ചൻ. കോസിഡേ അഥവാ "തച്ചൻ" കുടുംബത്തിൽപ്പെടുന്ന ഈ ശലഭം, സൈല്യൂടെസ് രാമമൂർത്തി എന്ന പേരിലാണ് അറിയപ്പെടുന്നത്. ഗവേഷകനും പ്രാണീവിദഗ്‌ധനുമായ എച്ച്. ശങ്കരരാമൻ, ബാലകൃഷ്ണൻ വളപ്പിൽ എന്നിവർ ചാലിയാർ പഞ്ചായത്തിലെ പന്തീരായിരം വനമേഖലയോട് ചേർന്ന തോട്ടപ്പള്ളിയിൽനിന്ന്‌ 2018 നവംബറിലാണ് ശലഭത്തെ ആദ്യമായി കണ്ടെത്തിയത്. റഷ്യൻ ശലഭ വിദഗ്ധനായ റോമൻ യാക്കോവ്‌ലേവുമായി ചേർന്നെഴുതിയ ഈ ശലഭത്തിന്റെ നിർവചനം സൂടാക്സയിൽ പ്രസിദ്ധീകരിച്ചു.

2019ൽ സൈലന്റ് വാലി, കരുവാരക്കുണ്ട്, നിലമ്പൂർ എന്നിവിടങ്ങളിലും 2020 ജനുവരിയിൽ ആറളത്തും നടത്തിയ സർവേകളിൽ ഈ നിശാശലഭത്തെ കണ്ടെത്തിയിരുന്നു. സാധാരണ ശലഭങ്ങൾ ഇലകൾ ഭക്ഷണമാക്കുമ്പോൾ ഇവ തടി തുരന്ന് അതിനകത്തെ തടിയാണ് ഭക്ഷണമാക്കുന്നത്. അതിനാൽ ഇവയുടെ ലാർവകൾ ഒന്നും രണ്ടും വർഷംവരെ ജീവിക്കുന്നു.