നൂറനാട് ഹനീഫ്
നൂറനാട് ഹനീഫ് | |
|---|---|
| ജനനം | 20 ഫെബ്രുവരി 1935 നൂറനാട്, ആലപ്പുഴ, തിരുവിതാംകൂർ |
| മരണം | 5 ഓഗസ്റ്റ് 2006 (പ്രായം 71) കൊല്ലം, കേരളം, ഇന്ത്യ |
| തൊഴിൽ | എഴുത്തുകാരൻ, അധ്യാപകൻ |
| ഭാഷ | മലയാളം |
മലയാള സാഹിത്യകാരനായിരുന്നു നൂറനാട് ഹനീഫ് (20 ഫെബ്രുവരി 1935 - 5 ഓഗസ്റ്റ് 2006) . നോവലുകൾ, ചെറുകഥകൾ, യാത്രാവിവരണങ്ങൾ, ബാലസാഹിത്യങ്ങൾ തുടങ്ങി 32 ഓളം കൃതികൾ ഹനീഫ് പ്രസിദ്ധീകരിച്ചു.
ജീവിതരേഖ
[തിരുത്തുക]ആലപ്പുഴ ജില്ലയിലെ നൂറനാട് എന്ന സ്ഥലത്ത് തമ്പി റാവുത്തറിൻ്റെയും സുലേഖയുടെയും മകനായി 1935 ഫെബ്രുവരി 20 നാണ് ഹനീഫ് ജനിച്ചത് .[1] ആദിക്കാട്ടുകുളങ്ങര ലോവർ പ്രൈമറി സ്കൂൾ, നൂറനാട് അപ്പർ പ്രൈമറി സ്കൂൾ, അടൂർ ഹൈസ്കൂൾ എന്നിവിടങ്ങളിൽ നിന്ന് സ്കൂൾ വിദ്യാഭ്യാസം പൂർത്തിയാക്കിയ അദ്ദേഹം പന്തളം എൻഎസ്എസ് കോളേജിൽ നിന്ന് മലയാള സാഹിത്യത്തിൽ ബിരുദം നേടി . 35 വർഷത്തിലേറെയായി കൊല്ലത്തെ വെസ്റ്റ് കൊല്ലം ഗവ.ഹയർസെക്കണ്ടറി സ്കൂളിൽ മലയാളം പഠിപ്പിച്ചു.[2] ആദ്യ നോവൽ തീരം കാണാത്ത തിരമാലകൾ 1967-ൽ പ്രസിദ്ധീകരിച്ചു. 24 നോവലുകളും രണ്ട് യാത്രാവിവരണങ്ങളും ഉൾപ്പെടെ 32 ഓളം കൃതികൾ അദ്ദേഹം പ്രസിദ്ധീകരിച്ചു. കൃഷ്ണ ചൈതന്യ തന്റെ ഹിസ്റ്ററി ഓഫ് മലയാളം ലിറ്ററേച്ചർ എന്ന ഗ്രന്ഥത്തിൽ പരാമർശിച്ചിട്ടുണ്ട്.[3]
കേരള സാഹിത്യ അക്കാദമി , സമസ്ത കേരള സാഹിത്യ പരിഷത്ത്, സാഹിത്യ പ്രവർത്തക സഹകരണ സംഘം, ഓതേഴ്സ് ഗിൽഡ് ഓഫ് ഇന്ത്യ തുടങ്ങി നിരവധി സാഹിത്യ സംഘടനകളിൽ അംഗമായി പ്രവർത്തിച്ചു . തിരുവനന്തപുരത്തെ ആകാശവാണിയുടെ ഉപദേശക സമിതി അംഗവും ക്വയിലോൺ പബ്ലിക് ലൈബ്രറി ആൻഡ് റിസർച്ച് സെന്ററിന്റെ ഗവേണിംഗ് ബോഡി അംഗവുമായിരുന്നു.[4] 2006 ഓഗസ്റ്റ് 5-ന് കൊല്ലത്തെ ഒരു സ്വകാര്യ ആശുപത്രിയിൽ വച്ച് അദ്ദേഹം അന്തരിച്ചു. അർബുദ ബാധിതനായി ഏറെ നാളായി ചികിത്സയിലായിരുന്നു.[5]
നൂറനാട് ഹനീഫ അനുസ്മരണം
[തിരുത്തുക]പതിനെട്ട് വർഷമായി തുടർച്ചയായി ഓഗസ്റ്റ് 5ന് കൊല്ലത്ത് ഈ എഴുത്തുകാരന്റെ അനുസ്മരണ പ്രഭാഷണം നടന്നു വരുന്നു. 2024 ൽ എൻ.എസ്. മാധവനായിരുന്നു പ്രഭാഷണം നിർവഹിച്ചത്. 14-ാമത് നൂറനാട് ഹനീഫ് നോവൽ പുരസ്‌കാരവും നൽകി വരുന്നു. 45 വയസ്സിൽ താഴെയുള്ള നേവലിസ്റ്റുകൾക്കാണ് പുരസ്കാരം നൽകുന്നത്. 25,052 രൂപയും പ്രശസ്തി പത്രവും ശില്പവും അടങ്ങുന്നതാണ് പുരസ്കാരം 2024 ലെ പുരസ്കാരം എം.പി.ലിപിൻ രാജ് രചിച്ച മാർഗരീറ്റ എന്ന നേവലിനായിരുന്നു.[6]
നൂറനാട് ഹനീഫ് പുരസ്കാര ജേതാക്കൾ
[തിരുത്തുക]| 1 | 2011 | വി.എം. ദേവദാസ് | പന്നിവേട്ട |
|---|---|---|---|
| 2 | 2012 | ഇ. സന്തോഷ് കുമാർ | അന്ധകാരനഴി |
| 3 | 2013 | കെ.ആർ. മീര | ആരാച്ചാർ |
| 4 | 2014 | ബെന്യാമിൻ | മഞ്ഞ വെയിൽ മരണങ്ങൾ |
| 5 | 2015 | സുസ്മേഷ് ചന്ദ്രോത്ത് | പേപ്പർ ലോഡ്ജ് |
| 6 | 2016 | ഷെമി | നടവഴിയിലെ നേരുകൾ |
| 7 | 2017 | സംഗീത ശ്രീനിവാസൻ | ആസിഡ് |
| 8 | 2018 | സോണിയ റഫീക്ക് | ഹെർബേറിയം |
| 9 | 2019 | ജി.ആർ. ഇന്ദുഗോപൻ | പടിഞ്ഞാറെ കൊല്ലം ചോരക്കാലം |
| 10 | 2020 | വി. ഷിനിലാൽ | സമ്പർക്കക്രാന്ത്രി |
| 11 | 2021 | യാസർ അറഫാത്ത് | മുതാർക്കുന്നിലെ മുസല്ലുകൾ |
| 12 | 2022 | നിഷ അനിൽകുമാർ | അവധൂതരുടെ അടയാളങ്ങൾ |
| 13 | 2023 | കെ.എൻ. പ്രശാന്ത് | പൊനം |
| 14 | 2024 | എം.പി. ലിപിൻ രാജ് | മാർഗരീറ്റ |
കൃതികൾ
[തിരുത്തുക]നോവൽ
[തിരുത്തുക]- തീരം കാണാത്ത തിരമാലകൾ
- ഗോദ
- കിഴക്കോട്ട് ഒഴുകുന്ന പുഴ
- ഇവിടെ ജനിച്ചവർ
- കിരീടമില്ലതെ ചെങ്കൊല്ലാതെ
- അതിരാത്രം
- അടിമകളുടെ അടിമ
- ചമ്പലിൻ്റെ പുത്രി
- അഗ്നിമേഘം
- അഗ്നിവർഷം
- ഉർവ്വശി
- കാലാപാനി
- അതിരുക്കൾക്കപ്പുറം
യാത്രാവിവരണം
[തിരുത്തുക]- തലസ്ഥാനം മുതൽ തലസ്ഥാനം വരെ
- നിസാമിൻ്റെ നാട്ടിൽ
കുട്ടികളുടെ സാഹിത്യം
[തിരുത്തുക]- ചെല്ലക്കിളി ചെമ്മനക്കിളി
അവലംബം
[തിരുത്തുക]- ↑ "നൂറനാട് ഹനീഫ്". Puzha.com. Archived from the original on 22 April 2016. Retrieved 18 December 2020.
- ↑ "203. Nooranad Haneef". Indianmuslimlegends.blogspot.com. 2011. Retrieved 17 December 2020.
- ↑ Haroon Kakkad "നൂറനാട് ഹനീഫ് സാഹിത്യ നഭസ്സിലെ വിസ്മൃത നക്ഷത്രം". Shabab Weekly (in Malayalam). Retrieved 2 April 2024.
- ↑ "Nooranad Haneef commemoration today". The Hindu. 5 August 2016. Retrieved 17 December 2020.
- ↑ "എഴുത്തുകാരൻ നൂറനാട് ഹനീഫ് അന്തരിച്ചു". 5 August 2006. Retrieved 17 December 2020.
- ↑ https://newspaper.mathrubhumi.com/kollam/news/kollam-1.9788661