പി.എ. വാരിയർ
മലയാളത്തിലെ ഒരു പത്രാധിപരും സാഹിത്യകാരനുമായിരുന്നു പി.എ. വാരിയർ (1920-1985). നോവൽ, കഥ, നാടകം, വിവർത്തനം, നിരൂപണം എന്നീ സാഹിത്യശാഖകളിലായി നാൽപതില്പ്പരം കൃതികൾ രചിച്ചിട്ടുണ്ട്.[1]
ജീവിതരേഖ[തിരുത്തുക]
1920 ഒക്ടോബർ 3-ന് ജനിച്ചു. ബി.എ, ബി.ഒ.എൽ ബിരുദങ്ങൾ നേടിയതിനു ശേഷം അധ്യാപകൻ, പത്രപ്രവർത്തകൻ, കേരള ഭാഷാ ഇൻസ്റ്റിറ്റ്യൂട്ടിൽ സീനിയർ റിസർച്ച് ഓഫീസർ തുടങ്ങിയ ജോലികൾ നോക്കിയിട്ടുണ്ട്.
സാഹിത്യപ്രവർത്തനം[തിരുത്തുക]
1964 മുതൽ പൂമ്പാറ്റയുടെ പത്രാധിപരായിരുന്നു. കൈരളി ചിൽഡ്രൻസ് ബുക്ട്രസ്റ്റ് പ്രസിദ്ധീകരിച്ച മഹച്ചരിതമാല പുസ്തകപരമ്പരയുടെ (144 പുസ്തകങ്ങൾ) മുഖ്യപത്രാധിപരായും സേവനം അനുഷ്ഠിച്ചു. ഇതിനു പുറമേ കൈരളി ചിൽഡ്രൻസ് ബുക്ട്രസ്റ്റ് 1985-ൽ തുടക്കമിട്ട സ്വാതന്ത്യത്തിന്റെ കഥ എന്ന 12 വാല്യങ്ങളിൽ പുറത്തിറങ്ങിയ പുസ്തകപരമ്പരയുടെ തുടക്കത്തിലെ രചയിതാവാണ്. ഇദ്ദേഹത്തിന്റെ നിര്യാണത്തെ തുടർന്ന് ഡോ. കെ. വേലായുധൻ നായരാണ് പിൽക്കാല വാല്യങ്ങൾ രചിച്ചത്. പിന്നീട് ഈ പുസ്തകപരമ്പര ഇന്ത്യ ബ്രിട്ടീഷ് ആധിപത്യത്തിന് മുമ്പ്, ഇന്ത്യൻ സ്വാതന്ത്യസമരവും കേരളവും, ഇന്ത്യൻ സ്വാതന്ത്യസമരം നാഷണൽ കോൺഗ്രസ്സിന്റെ നേതൃത്വത്തിൽ, ബ്രിട്ടീഷ് ഇന്ത്യയും സായുധസമരങ്ങളും, ഇന്ത്യ ബ്രിട്ടീഷ് ആധിപത്യത്തിന് ശേഷം എന്നീ പേരുകളിൽ അഞ്ച് പുസ്തകങ്ങളായി ഡി.സി. ബുക്സ് പുറത്തിറക്കി.[2] ഇതിൽ ആദ്യത്തെ രണ്ടു പുസ്തകങ്ങളിൽ ഉൾപ്പെടുത്തപ്പെട്ട ഭാഗങ്ങൾ പി.എ. വാരിയർ എഴുതിയവയും പിന്നത്തെ രണ്ടെണ്ണത്തിലുള്ളത് വാരിയരുടെയും വേലായുധൻ നായരുടെയും രചനകളും അഞ്ചാമത്തേത് വേലായുധൻ നായരുടെ മാത്രം രചനകളുമാണ്.[3]