പി. വേണു
പി. വേണു | |
|---|---|
 പി. വേണു | |
| ജനനം | പാട്ടത്തിൽ വേണുഗോപാലമേനോൻ നവംബർ 8, 1940 |
| മരണം | മേയ് 25, 2011 (പ്രായം 70) |
| തൊഴിൽ | സിനിമാ സംവിധാനം |
ഒരു മലയാളചലച്ചിത്രസംവിധായകനായിരുന്നു പി. വേണു എന്നറിയപ്പെട്ടിരുന്ന പാട്ടത്തിൽ വേണുഗോപാലമേനോൻ. 32 ചിത്രങ്ങൾക്ക് സംവിധാനം നിർവഹിച്ച ഇദ്ദേഹം പ്രേംനസീറിനെ നായകനാക്കിയാണ് 16 ചലച്ചിത്രങ്ങൾ സംവിധാനം ചെയ്തിട്ടുള്ളത്. ആദ്യ ചിത്രമായ ഉദ്യോഗസ്ഥയ്ക്ക് ശേഷം ഉദ്യോഗസ്ഥ വേണു എന്ന പേരിൽ അറിയപ്പെട്ടു.
ജീവിതരേഖ
[തിരുത്തുക]തൃശ്ശൂർ ജില്ലയിലെ പുറനാട്ടുകരയിൽ 1940 നവംബർ 8-ന് ജനിച്ചു. മാധവക്കുറുപ്പും അമ്മിണിയമ്മയുമായിരുന്നു മാതാപിതാക്കൾ. ഇവരുടെ മൂന്നുമക്കളിൽ മൂത്തവനായിരുന്നു വേണുഗോപാലമേനോൻ എന്ന വേണു. 1967-ൽ പുറത്തിറങ്ങിയ ഉദ്യോഗസ്ഥയാണ് ആദ്യമായി സംവിധാനം നിർവഹിച്ച ചിത്രം. 1969-ൽ പുറത്തിറങ്ങിയ വിരുന്നുകാരി എന്ന സിനിമയുടെ നിർമ്മാതാവും ഇദ്ദേഹമായിരുന്നു. 2003-ൽ പുറത്തിറങ്ങിയ പരിണാമം ആണ് അവസാനം സംവിധാനം ചെയ്ത ചിത്രം. മാടമ്പ് കുഞ്ഞുകുട്ടൻ നായകനായ ഈ ചിത്രത്തിലെ പ്രകടനത്തിന് അദ്ദേഹത്തിന് ഇസ്രായേൽ ഫിലിം ഫെസ്റ്റിവലിന്റെ അംഗീകാരം ലഭിച്ചിരുന്നു. 45 വർഷത്തോളമായി ചെന്നൈയിലായിരുന്നു താമസിച്ചിരുന്നത്. ഹൃദയാഘാതം മൂലം ചെന്നൈ ഷേണായ്‌നഗറിലെ വസതിയിൽ 2011 മേയ് 25-ന് രാവിലെ 9.20-ന് 70-ആം വയസ്സിൽ അന്തരിച്ചു[1]. മൃതദേഹം നാട്ടിലെത്തിച്ച ശേഷം തിരുവില്വാമല പാമ്പാടി ഐവർമഠം ശ്മശാനത്തിൽ സംസ്കരിച്ചു.
- കുടുംബം
ഭാര്യ: സുശീല. മക്കൾ: വിജയ് മേനോൻ, ശ്രീദേവി.
സംവിധാനം നിർവഹിച്ച ചലച്ചിത്രങ്ങൾ
[തിരുത്തുക]- ഉദ്യോഗസ്ഥ
- വിരുതൻ ശങ്കു
- വിരുന്നുകാരി
- വീട്ടുമൃഗം
- സി.ഐ.ഡി. നസീർ
- ടാക്സികാർ
- പ്രേതങ്ങളുടെ താഴ്‌വര
- ബോയ്ഫ്രണ്ട്
- രാത്രിയിലെ യാത്രക്കാർ
- ആൾമാറാട്ടം (ചലച്ചിത്രം)
- അറിയപ്പെടാത്ത രഹസ്യം
- വാർഡ് നമ്പർ ഏഴ്
- അരഞ്ഞാണം(ചലച്ചിത്രം)
- പാറശ്ശാല പാച്ചൻ പയ്യന്നൂർ പരമു
- പരിണാമം
- അമൃതചുംബനം
- അവളുടെ പ്രതികാരം
- പിച്ചാത്തി കുട്ടപ്പൻ
പുരസ്കാരങ്ങൾ
[തിരുത്തുക]ഇസ്രായേൽ ഫിലിം ഫെസ്റ്റിവലിൽ 2002ൽ പരിണാമം എന്ന സിനിമ മികച്ച തിരക്കഥയ്ക്കുള്ള പുരസ്കാരം നേടി.
അവലംബം
[തിരുത്തുക]- ↑ "ആർക്കൈവ് പകർപ്പ്". Archived from the original on 2011-05-28. Retrieved 2011-05-25.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help)