ഉള്ളടക്കത്തിലേക്ക് പോവുക

വല്ലച്ചിറ മാധവൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
വല്ലച്ചിറ മാധവൻ
തൊഴിൽസാഹിത്യകാരൻ
ദേശീയതഇന്ത്യൻ
Genreനോവൽ, കഥ, കവിത
ശ്രദ്ധേയമായ രചന(കൾ)
  • എന്റെ ജീവിതത്തോണി'
  • ആത്മസഖി
  • യുദ്ധഭൂമി
  • ക്രിസ്തുവിനെ തറച്ച കുരിശ്
  • പാനപാത്രത്തിലെ വീഞ്ഞ്
  • അച്ചാമ്മ
പങ്കാളിഇന്ദിര
കുട്ടികൾബാബുരാജ്,
ഹേമന്ദ്കുമാർ,
മധു,
ഗീതാഞ്ജലി.
രക്ഷിതാവ്(ക്കൾ)ചാത്തക്കുടത്ത്‌വീട്ടിൽ ശങ്കരൻ
ലക്ഷ്മി

തൃശൂർ ജില്ലയിലെ വല്ലച്ചിറയിൽ നിന്നുള്ള ഒരു മലയാളം നോവലിസ്റ്റും ചെറുകഥാകൃത്തുമായിരുന്നു വല്ലച്ചിറ മാധവൻ (ജീവിതകാലം: 1934 മേയ് 17 - 2013 ഒക്ടോബർ 20). നോവലും ചെറുകഥകളുമായി ഇദ്ദേഹത്തിന്റെ 400-ലേറെ കൃതികൾ പ്രസിദ്ധീകരിച്ചിട്ടുണ്ട്.[1] മുട്ടത്തുവർക്കി, കാനം ഇ.ജെ., മൊയ്തു പടിയത്ത് തുടങ്ങിയവരോടൊപ്പം ജനപ്രിയസാഹിത്യരംഗത്ത് നിറഞ്ഞുനിന്ന എഴുത്തുകാരനായിരുന്നു മാധവൻ. തൻ്റെ സാഹിത്യജീവിതത്തിലുടനീളം, മലയാള സാഹിത്യത്തിന് ഗണ്യമായ സംഭാവനകൾ നൽകിയ അദ്ദേഹത്തിന്റെ തനതായ കഥപറച്ചിലിലും ആഖ്യാനശൈലിയും പേരുകേട്ടതാണ്. അദ്ദേഹത്തിന്റെ കൃതികൾ പലപ്പോഴും സമൂഹത്തിലെയും സംസ്കാരത്തിലെയും പ്രസക്തമായ ആഴത്തിലുള്ള വിഷയങ്ങളാണ് പര്യവേക്ഷണം ചെയ്തിരുന്നത്.

ആദ്യകാലം

[തിരുത്തുക]

1934 മേയ് 17-ന് വല്ലച്ചിറ ചാത്തക്കുടത്ത്‌വീട്ടിൽ ശങ്കരന്റെയും ലക്ഷ്മിയുടെയും മകനായി തൃശൂർ ജില്ലയിലെ വല്ലച്ചിറയിൽ ജനിച്ചു.[2] സിഎൻഎൻ ബോയ്‌സ് ഹൈസ്‌കൂളിൽ വിദ്യാർഥിയായിരിക്കുമ്പോൾത്തന്നെ സാഹിത്യ രചന ആരംഭിച്ച വല്ലച്ചിറ മാധവന്റെ ആദ്യകൃതി 14-ആം വയസ്സിൽ പ്രസിദ്ധീകരിക്കപ്പെട്ടു. ദരിദ്രരായ മാതാപിതാക്കൾക്ക് ജനിച്ചതിനാൽ, സെക്കൻഡറി സ്കൂൾ വിദ്യാഭ്യാസം പൂർത്തിയാക്കാൻ അദ്ദേഹത്തിന് കഴിഞ്ഞില്ല; അതിനാൽ, ഒൻപതാം ക്ലാസിൽ തന്നെ സ്കൂൾ ജീവിതം അവസാനിപ്പിക്കാൻ അദ്ദേഹം നിർബന്ധിതനായി.

എന്റെ ജീവിതത്തോണി എന്ന ഈ കവിതാസമാഹാരമാണ് അദ്ദേഹത്തിന്റെ ആദ്യമായി പുറത്തിറങ്ങിയ കൃതി. തൊട്ടടുത്തവർഷംതന്നെ ആത്മസഖി എന്ന നോവൽ രചിച്ചു. യുദ്ധഭൂമി, ക്രിസ്തുവിനെ തറച്ച കുരിശ്, പാനപാത്രത്തിലെ വീഞ്ഞ്, അച്ചാമ്മ, എന്റെ ജീവിതത്തോണി എന്നിവ ഇദ്ദേഹത്തിന്റെ ശ്രദ്ധേയമായ രചനകളാണ്. പ്രണയവും ദുരന്തവുമാണ് ഇദ്ദേഹത്തിന്റെ കൃതികളിൽ അധികവും വിഷയമായിരുന്നത്. എന്റെ യുദ്ധഭൂമിയാണ് ഇദ്ദേഹത്തിന്റെ പ്രസിദ്ധീകരിക്കപ്പെട്ട ആദ്യ തുടർക്കഥ.[1] കേരള സംസ്ഥാനത്തുടനീളം ഒരുകാലത്ത് ഏറ്റവും കൂടുതൽ വായനക്കാരുണ്ടായിരുന്ന നോവലിസ്റ്റായിരുന്നു അദ്ദേഹം.

അച്ചാമ്മ എന്ന നോവൽ സ്‌കൂൾ ലൈബ്രറിക്കായി അംഗീകരിക്കപ്പെട്ടിരുന്നു. എന്നാൽ ഈ പുസ്തകം സർക്കാർ കണ്ടുകെട്ടി നിരോധിച്ചു. കന്യാസ്ത്രീ വേശ്യയായി തെരുവിൽ ജീവിക്കാനൊരുങ്ങുന്നതായിരുന്നു ഈ നോവലിന്റെ ഉള്ളടക്കം.[1] 1962 ൽ പി.ടി.ചാക്കോ ആഭ്യന്തര മന്ത്രിയായിരുന്ന കാലത്താണ് ഈ ക്രൈസ്തവ വിമർശന നോവൽ രചിച്ചത്.[3] ചന്ദ്രഹാസൻ, നിർമ്മല, ചിത്രശാല, ഫിലിംസ്റ്റാർ എന്നീ പത്രങ്ങളുടെ പത്രാധിപസ്ഥാനവും മാധവൻ വഹിച്ചിരുന്നു.[2] അരികിൽ നീ ഉണ്ടായിരുന്നെങ്കിൽ എന്നതായിരുന്നു ഇദ്ദേഹത്തിന്റെ അവസാന രചന.[4]

മരണം

[തിരുത്തുക]

വാർദ്ധക്യസഹജമായ അസുഖം മൂലം 2013 ഒക്ടോബർ 20-ന് വല്ലച്ചിറ മാധവൻ അന്തരിച്ചു.[2] ഭാര്യ: ഇന്ദിര. മക്കൾ: ബാബുരാജ്, ഹേമന്ദ്കുമാർ, മധു, ഗീതാഞ്ജലി. മരുമക്കൾ: വിജയ, അമ്പിളി, ഷീജ, ഉണ്ണികൃഷ്ണൻ. ശവസംസ്‌കാരം തൃശൂർ വടൂക്കര ശ്മശാനത്തിൽ നടന്നു.

പ്രധാന കൃതികൾ

[തിരുത്തുക]
  1. എന്റെ ജീവിതത്തോണി'
  2. ആത്മസഖി
  3. യുദ്ധഭൂമി (1971)
  4. ക്രിസ്തുവിനെ തറച്ച കുരിശ്
  5. പാനപാത്രത്തിലെ വീഞ്ഞ്
  6. അച്ചാമ്മ
  7. തേനരുവികൾ (1979)
  8. നാലുമണിപ്പൂക്കൾ (1970)
  9. സ്വപ്നാടനം (1968)
  10. ഓടപ്പഴം (1973)
  11. ചേറിലെ താമര (1972)
  12. സുന്ദരിമാരുടെ ചിരി (1983)
  13. ആത്മനിർവൃതി (1989)
  14. ഈറൻ മേഘങ്ങൾ (1987)
  15. സാലഭഞ്ജിക (1982)
  16. നിശാഗന്ധി പൂക്കുമ്പോൾ (2012)
  17. അഭിസാരിക (1971)
  18. സ്വർഗ്ഗസീമ
  19. അദ്ധ്വാനിക്കുന്നവനും ഭാരം ചുമക്കുന്നവനും (1971)
  20. അപ്സരസുകൾ (1971)
  21. ഭൂമിയിലെ സ്വർഗ്ഗം (1972)
  22. നീലക്കടൽ
  23. സ്വർണ്ണമാല (1973)
  24. വീണ്ടും വസന്തം വിടരുന്നതാർക്കുവേണ്ടി (1973)
  25. കാട്ടുചോലകൾ
  26. സ്നേഹം ദുഃഖമാണ്
  27. ചിലങ്ക ചാർത്തിയ കുഞ്ഞിക്കാലുകൾ
  28. വഴിയമ്പലം (നാടകം)
  29. അമൃതാഭിഷേകം
  30. നീലക്കണ്ണുകൾ
  31. പാടാൻ കൊതിച്ച കാട്ടാറ്
  32. യൗവ്വനയുക്ത
  33. പൂവിടാൻ കൊതിച്ച ചെടി (1985)
  34. ഒസ്സാന്റെ കത്തി
  35. പട്ടുപാവാട
  36. അസ്ഥിമാടം
  37. ദു:ഖിതരുടെ കൂടാരം
  38. ഒരു കോളെജ് കുമാരിയുടെ ഡയറി
  39. അമ്മയുടെ പ്രിയപുത്രൻ
  40. മരിക്കുന്ന സ്റ്റേഷനറികൾ (ചെറുകഥ)
  41. തണലും തണുപ്പും
  42. ആരും തൊടാത്ത പൂവമ്പഴം
  43. പ്രേമത്തിന്റെ മുൾക്കിരീടം
  44. തേൻകനി
  45. മടങ്ങിവരാത്ത വസന്തം
  46. നിത്യ നൂതനമായ വേദന
  47. അല്പം മുന്തിരിച്ചാറും കുറെ കിഴിനീരും
  48. പൂഞ്ചോലകൾ
  49. ചുവന്ന സന്ധ്യകൾ
  50. സ്വർഗ്ഗം പോലൊരു സ്വപ്നം
  51. അഗ്നിജ്വാല
  52. ചുരുൾമുടിക്കാരി
  53. പാടിത്തീർന്ന ഗാനം
  54. ചന്ദ്രഹാസൻ
  55. നിർമല
  56. ചിത്രശാല
  57. ഫിലിം സ്റ്റാർ

അവലംബം

[തിരുത്തുക]
  1. ↑ 1.0 1.1 1.2 "നോവലിസ്റ്റ് വല്ലച്ചിറ മാധവൻ അന്തരിച്ചു". മാതൃഭൂമി. 2013 ഒക്ടോബർ 21. Archived from the original on 2013-10-21. Retrieved 2013 ഒക്ടോബർ 21. {{cite news}}: Check date values in: |accessdate= and |date= (help)CS1 maint: bot: original URL status unknown (link)
  2. ↑ 2.0 2.1 2.2 "വല്ലച്ചിറ മാധവൻ അന്തരിച്ചു". മനോരമ ദിനപത്രം. 2013 ഒക്ടോബർ 21. Archived from the original on 2013-10-21. Retrieved 2013 ഒക്ടോബർ 21. {{cite news}}: Check date values in: |accessdate= and |date= (help)CS1 maint: bot: original URL status unknown (link)
  3. ↑ "വല്ലച്ചിറ മാധവൻ അന്തരിച്ചു". കേരളകൗമുദി. 2013 ഒക്ടോബർ 21. Archived from the original on 2013-10-21. Retrieved 2013 ഒക്ടോബർ 21. {{cite news}}: Check date values in: |accessdate= and |date= (help)CS1 maint: bot: original URL status unknown (link)
  4. ↑ "നോവലിസ്റ്റ് വല്ലച്ചിറ മാധവൻ അന്തരിച്ചു". ദേശാഭിമാനി. 2013 ഒക്ടോബർ 21. Archived from the original on 2013-10-21. Retrieved 2013 ഒക്ടോബർ 21. {{cite news}}: Check date values in: |accessdate= and |date= (help)CS1 maint: bot: original URL status unknown (link)
"https://ml.wikipedia.org/w/index.php?title=വല്ലച്ചിറ_മാധവൻ&oldid=4301164" എന്ന താളിൽനിന്ന് ശേഖരിച്ചത്