വിളപ്പുറം

കൊല്ലം ജില്ലയിൽ ചാത്തന്നൂർ നിന്നും മൂന്ന് കിലോമീറ്റർ തെക്ക് ഭാഗത്ത് ആനന്ദവിലാസം ഭഗവതിക്ഷേത്രത്തിന്റെയും ആനന്ദവിലാസം ഗ്രന്ഥശാലയുടെയും ആസ്ഥാനം സ്ഥിതി ചെയ്യുന്ന സ്ഥലമാണ്‌ വിളപ്പുറം. ഇവിടം ചിറക്കര ഗ്രാമപ്പഞ്ചായത്തിൽ ഉൾപ്പെടുന്നു. ഇവിടെ നിന്നും ഏതാനും മീറ്റർ മാത്രം അകലെയാണ് പോളച്ചിറ. ചാത്തന്നൂർ-ചിറക്കര ഗ്രാമപ്പഞ്ചായത്തുകളെ ബന്ധിപ്പിക്കുന്ന പോളച്ചിറ ബണ്ടക്രോസ് പാത ഇതിലൂടെ കടന്നുപോകുന്നു.

പ്രസിദ്ധ കവിയായ ചാത്തന്നൂർ മോഹന്റെയും ബാല സാഹിത്യകാരനും കഥാകാരനുമായ ഡി. സുധീന്ദ്രബാബുവിന്റെയും ജന്മസ്ഥലം ഇതാണ്.