സെപ്ത്വാജെസെമ
| ആരാധനക്രമ വർഷം |
|---|
| റോമൻ ആചാരക്രമം |
| കൽദായ ആചാരക്രമം |
പാശ്ചാത്യ ക്രൈസ്തവ സഭയുടെ ആരാധനക്രമ വർഷം അനുസരിച്ച് തപസ്സ് കാലത്തിന് മുൻപേ വരുന്ന ഒരുക്കകാലമാ സെപ്ത്വാജെസെമ(തപസ്സ് കാലം മുന്നൊരുക്കം). [1]ഈസ്റ്ററിന് മുൻപുള്ള ഒൻപതാമത്തേതും വിഭൂതി ബുധന് മുൻപ് വരുന്ന മൂന്നാമത്തേതും ആയ ഞായറാഴ്ചയാണ് സെപ്ത്വാജെസെമ ആരംഭിക്കുന്നത്. സെപ്ത്വാജെസെമ ഈ ദിവസം സെപ്ത്വാജെസെമ ഞായർ എന്ന് വിളിക്കപ്പെടുന്നു. [2]ധൂർത്ത പുത്രന്റെ ഞായർ എന്ന് ഗ്രീസിൽ പറയാറുണ്ട്‌. ഈ ദിവസം കുർബാന സമയത്ത് സുവിശേഷത്തിൽ (ലൂക്കാ. 15:11-24) നിന്നും ധൂർത്ത പുത്രന്റെ ഉപമ വായിക്കുന്നതിനാലാണ് ഈ പേര് വന്നത്. ഈ കാലത്തെ മറ്റു രണ്ടു ഞായറാഴ്ചകൾ യഥാക്രമം [3]സെക്സാജെസെമ, ക്വിൻക്വാജെസെമ എന്നിങ്ങനെ അറിയപ്പെടുന്നു. വിഭൂതി ബുധന് മുൻപുള്ള ചൊവ്വാഴ്ച സെപ്ത്വാജെസെമ അവസാനിക്കും.
പദോൽപ്പത്തി
[തിരുത്തുക]സെപ്ത്വാജെസെമ എന്ന ലത്തീൻ പദത്തിനർത്ഥം എഴുപതാമത് എന്നാണ് (സെക്സാജെസെമ, ക്വിൻക്വാജെസെമ എന്നിവ യഥാക്രമം അറുപതാമത്, അൻപതാമത്). സെപ്ത്വാജെസെമ ഞായർ മുതൽ ഈസ്റ്റർ വരെ ഞായറാഴ്ചകൾ ഒഴിവാക്കി 70 ദിവസങ്ങളാണ് ഉള്ളത്. [4]എല്ലാ എല്ലാ ഞായറാഴ്ചകളും ചെറിയ ഈസ്റ്ററായി സഭ കരുതുന്നതിനാലാണ് നോമ്പുകാലത്തിനിടയിൽ വരുന്ന ഞായറാഴ്ചകൾ ഒഴിവാക്കുന്നത്.[5]അമലേരിയൂസ് സിംഫോസിയൂസിന്റെ പഠനം അനുസരിച്ച് ഇസ്രായേൽ ജനത എഴുപത് വർഷം അനുഭവിച്ച ബാബിലോൺ പ്രവാസത്തെയാണ് സെപ്ത്വാജെസെമ പ്രതിനിധീകരിക്കുന്നത്.
ആരാധനക്രമം
[തിരുത്തുക]വയലറ്റ് ആണ് ആരാധനക്രമനിറം. അൾത്താര വിരികൾ, അൾത്താരയിൽ വെക്കുന്ന വിളക്കുകളുടെ ഗ്ലാസ്, വാതിൽ വിരികൾ, സക്രാരി വിരികൾ, കാർമ്മികൻ ധരിക്കുന്ന മേൽവസ്ത്രങ്ങൾ തുടങ്ങിയവവയലറ്റ് നിറത്തിൽ ഉള്ളതായിരിക്കും. ഗ്ലോറിയ, തെദേവൂം എന്നീ പ്രാർത്ഥനകൾ (ഗീതികൾ) ഈ കാലയളവിൽ ഒഴിവാക്കിയിരിക്കുന്നു.
സെപ്ത്വാജെസെമ റോമൻ കത്തോലിക്കാ സഭയിൽ
[തിരുത്തുക][6]രണ്ടാം വത്തിക്കാൻ കൗൺസിലിന് ശേഷം പുറത്തിറങ്ങിയ ആരാധനക്രമം അനുസരിച്ച് റോമൻ കത്തോലിക്കാ സഭ സെപ്ത്വാജെസെമ ഒഴിവാക്കി. ഈ കാലഘട്ടം സാധാരണ കാലം ആദ്യപാദത്തോട് ചേർത്താണ് ആരാധന കലണ്ടർ തയ്യാറാക്കിയിരിക്കുന്നത്. ആയതിനാൽ ആരാധനക്രമ നിറങ്ങളിലോ പ്രാർത്ഥനകളിലോ മാറ്റം ഒന്നുമില്ല.
സെപ്ത്വാജെസെമ ഇതര സഭകളിൽ
[തിരുത്തുക][7]പൌരസ്ത്യ സഭ, ബൈസന്റൈൻ സഭ, [8]ലൂഥറൻസ് പ്രൊട്ടസ്റ്റന്റ് സഭ എന്നിവർ സെപ്ത്വാജെസെമ ആചരിക്കുന്നു. ആംഗ്ലിക്കൻ സഭയുടെ പൊതു ആരാധന പുസ്തകം അനുസരിച്ച് ഈ കാലഘട്ടം തപസ്സ് കാല മുന്നൊരുക്കമായി ആചരിക്കുന്നു.
ഇതും കാണുക
[തിരുത്തുക]അവലംബം
[തിരുത്തുക]- ↑ Catholic Encyclopedia
- ↑ Sunday of Prodigal, Orthodox Wiki
- ↑ The American Heritage Dictionary of the English Language, Fourth Edition
- ↑ Every Sunday is a mini-Easter
- ↑ Catholic Encyclopedia
- ↑ Septuagesima Catholic usage
- ↑ Septuagesima, Eastern usage
- ↑ Septuagesima Protestant usage