ടി.ബി. വേണുഗോപാലപ്പണിക്കർ

ടി.ബി. വേണുഗോപാലപ്പണിക്കർ
ടി.ബി. വേണുഗോപാലപ്പണിക്കർ
	ടി.ബി. വേണുഗോപാലപ്പണിക്കർ
ജനനം	ഓഗസ്റ്റ് 2, 1945; വടക്കൻ പറവൂർ, എറണാകുളം, കേരളം
മരണം	ഏപ്രിൽ 2, 2025; കോഴിക്കോട്
ദേശീയത	ഇന്ത്യൻ
തൊഴിൽ(s)	അദ്ധ്യാപകൻ, ഭാഷാശാസ്ത്രജ്ഞൻ
അറിയപ്പെടുന്നത്	കേന്ദ്ര, കേരള സാഹിത്യ അക്കാദമി പുരസ്കാരങ്ങൾ
ജീവിതപങ്കാളി	പി. രാജലക്ഷ്മി
കുട്ടികൾ	കണ്ണൻ ; ആതിര

ഇംഗ്ലീഷ് വിലാസം

https://ml.wikipedia.org/wiki/T.B._Venugopala_Panicker

അദ്ധ്യാപകൻ, ഭാഷാശാസ്ത്രജ്ഞൻ, വൈയാകരണൻ എന്നീനിലകളിൽ പ്രശസ്തനായിരുന്നു ടി ബി വേണുഗോപാലപ്പണിക്കർ(2 ഓഗസ്റ്റ് 1945 - 2 ഏപ്രിൽ 2025). കേന്ദ്ര, കേരള സാഹിത്യ അക്കാദമി പുരസ്കാരങ്ങൾ ലഭിച്ചിട്ടുണ്ട്.

ജീവിതരേഖ

1945 ഓഗസ്റ്റ് 2-നു് വടക്കൻ പരവൂരിനടുത്ത് ഏഴിക്കരയിൽ ഉളനാട്ട് ബാലകൃഷ്ണപ്പണിക്കരുടേയും തറമേൽ മീനാക്ഷിക്കുഞ്ഞമ്മയുടേയും എട്ട് മക്കളിൽ ഇളയവനായി ജനിച്ചു.^[1] മഹാരാജാസ് കോളേജിൽനിന്നും ഭൗതികശാസ്ത്രത്തിൽ ബിരുദവും (1966) മലയാളത്തിൽ എം.എ. ബിരുദവും (1968) എടുത്തു. തുടർന്നു് അണ്ണാമലൈ സർവ്വകലാശാലയിൽനിന്നു് ഭാഷാശാസ്ത്രത്തിൽ ഒന്നാം റാങ്കോടെ ബിരുദാനന്തരബിരുദം. സുകുമാർ അഴിക്കോടിന്റെ മേൽനോട്ടത്തിൽ തയ്യാറാക്കിയ കേരളപാണിനീയത്തിന്റെ പീഠിക - ഒരു വിമർശനാത്മകപഠനം (A critical study of Pitika of Keralapanineeyam) എന്ന പ്രബന്ധത്തിനു് 1981-ൽ കാലിക്കറ്റ് സർവ്വകലാശാലയിൽ നിന്നു് ഡോക്ടറേറ്റ് ലഭിച്ചു.^[1]

1971-ൽ മദ്രാസ് സർവ്വകലാശാലയിൽ റിസർച്ച് അസിസ്റ്റൻ്റായി ജോലിയിൽ പ്രവേശിച്ചു. 1973 ജനുവരി 4-നു് കാലിക്കറ്റ് സർവ്വകലാശാലയിൽ മലയാളവിഭാഗം അദ്ധ്യാപകൻ. 2003-2005 കാലത്ത് അവിടത്തെ വകുപ്പദ്ധ്യക്ഷൻ. കണ്ണൂർ സർവകലാശാലയിൽ ഭാഷാ സാഹിത്യവിഭാഗത്തിന്റെ ഡീനായും ഇദ്ദേഹം പ്രവർത്തിച്ചിട്ടുണ്ട്.

ജർമ്മനിയിലെ കോളൻ സർവകലാശാല സ്റ്റട്ഗർടിൽ നടത്തിയ ഒന്നാമത് അന്താരാഷ്ട്ര ദ്രവീഡിയൻ സെമിനാർ (2003) ഉൾപ്പെടെ 100 ലേറെ ദേശീയ അന്തർദേശീയ സെമിനാറുകളിൽ പ്രബന്ധങ്ങളവതരിപ്പിച്ചു. ലക്ഷദ്വീപ് സോഷ്യോ റിസർച്ച് കമ്മിഷനിൽ അംഗമായിരുന്നു. മദ്രാസ്, അലിഗർ, കേരള, എം ജി, കണ്ണൂർ സർവകലാശാലകൾ യു പി എസ് സി, യു.ജി.സി എന്നിവയുടെ പരീക്ഷാ ബോർഡുകളിലും തഞ്ചാവൂർ തമിഴ് യൂണിവേഴ്സിറ്റിയിൽ ഇന്ത്യൻ ലാംഗ്വേജ് ഫാക്കൽറ്റിയിലും അംഗമായിരുന്നു. നോം ചോംസ്കി ഇന്ത്യയിൽ വന്നപ്പോൾ കൈരളി ചാനലിനു വേണ്ടി ഇൻ്റർവ്യൂ ചെയ്തിട്ടുണ്ട്. ^[1]^[2]

കൃതികൾ

സ്വനമണ്ഡലം (1981)
നോം ചോസ്കി (1987)
ഭാഷാർത്ഥം (1998)
വാക്കിന്റെ വഴികൾ (1999)
ചിതറിപ്പോയ സിംഹനാദവും ചില ഭാഷാ വിചാരങ്ങളും ( 2006)
ഭാഷാലോകം (2006)
Studies on Malayalam Language (2006)
ലീലാതിലകം: സാമൂഹികഭാഷാശാസ്ത്രദൃഷ്ടിയിൽ (എസ്.വി. ഷണ്മുഖം - തമിഴ്) വിവർത്തനം (1995)
കൂനൻ തോപ്പ് (തോപ്പിൽ മുഹമ്മദ് മീരാൻ - തമിഴ്) വിവർത്തനം (2003)
പ്രൊഫ എൽ.വി രാമസ്വാമി അയ്യരുടെ A Primer of Malayalam Phonology (2004) (എഡിറ്റർ)
വ്യാകരണ പഠനങ്ങൾ(1996) ( മലയാള വിമർശം ( എഡിറ്റർ)

പുരസ്കാരങ്ങൾ

കേരള സാഹിത്യ അക്കാദമിയുടെ ഐ.സി. ചാക്കോ എൻഡോവ്മെന്റ് പുരസ്കാരം(2000 - ഭാഷാർത്ഥം എന്ന കൃതിക്ക് ).^[3]
വിവർത്തനത്തിനുള്ള 2006-ലെ കേന്ദ്രസാഹിത്യ അക്കാദമി അവാർഡ് കൂനൻതോപ്പ് എന്ന തമിഴ്നോവലിന്റെ മലയാള പരിഭാഷയ്ക്ക് ലഭിച്ചു.^[1]^[3]

അവലംബം

↑ ^1.0 ^1.1 ^1.2 ^1.3 Bh\=aṣ\=al\=okaṃ. DC Books. 2006. ISBN 9788126411986. Retrieved 10 June, 2013. {{cite book}}: Check date values in: |accessdate= (help)
↑ "ദി ഹിന്ദു, പത്രവാർത്ത". Archived from the original on 2008-11-03. Retrieved 2012-02-13.
↑ ^3.0 ^3.1 "ചിന്ത.കോം". Archived from the original on 2012-07-12. Retrieved 2012-02-13.

പുറത്തേക്കുള്ള കണ്ണികൾ

[2006bhāṣālōkaṃ-1] 1.0 ^1.1 ^1.2 ^1.3 Bh\=aṣ\=al\=okaṃ. DC Books. 2006. ISBN 9788126411986. Retrieved 10 June, 2013. {{cite book}}: Check date values in: |accessdate= (help)

[2] "ദി ഹിന്ദു, പത്രവാർത്ത". Archived from the original on 2008-11-03. Retrieved 2012-02-13.

[chintha-3] 3.0 ^3.1 "ചിന്ത.കോം". Archived from the original on 2012-07-12. Retrieved 2012-02-13.

[1]

[2]

[3]