മുപ്പതോളം മലയാളചലച്ചിത്രങ്ങളിൽ അഭിനയിച്ച ഒരു നടിയാണ് സബിത ആനന്ദ്. 1975-ൽ പി. ഭാസ്കരൻ സംവിധാനം ചെയ്ത മറ്റൊരു സീത എന്ന ചിത്രത്തിൽ ബാലതാരമായി അരങ്ങേറി. മണിരത്നം സംവിധാനം ചെയ്ത ഉണരൂ എന്ന ചിത്രത്തിൽ മോഹൻലാലിന്റെ നായികയായതടക്കം എൺപതുകളിൽ നിരവധി മലയാളം ചിത്രങ്ങളിൽ വേഷമിട്ടു. 1993-ൽ പുറത്തിറങ്ങി ആ വർഷത്തെ മികച്ച ചിത്രമായി തെരഞ്ഞെടുക്കപ്പെട്ട വിധേയനിൽ മുഖ്യ സ്ത്രീ കഥാപാത്രമായ ഓമനയെ അവതരിപ്പിച്ചു ശ്രദ്ധ നേടി. ഒരിടവേളക്കു ശേഷം 2001-ൽ വീണ്ടും അഭിനയ രംഗത്ത് സജീവമായി. മലയാളത്തിനു പുറമേ തമിഴ്‌ ചലച്ചിത്രങ്ങളിലും നായിക, ഉപനായിക വേഷങ്ങൾ ചെയ്തിട്ടുണ്ട്[1][2].
↑"ഒരിക്കൽ കണ്ടാൽ ഒരിക്കലും മറക്കാത്ത മുഖം". മാധ്യമം ആഴ്ചപ്പതിപ്പ്‌. Archived from the original on 2021-05-08. Retrieved 2013 മെയ്‌ 14. {{cite web}}: Check date values in: |accessdate= (help)CS1 maint: bot: original URL status unknown (link)
↑"അഭിനേതാക്കൾ : സബിത ആനന്ദ്". മലയാളസംഗീതം.ഇൻഫോ. Archived from the original on 2016-03-04. Retrieved 2013 മെയ്‌ 14. {{cite web}}: Check date values in: |accessdate= (help)CS1 maint: bot: original URL status unknown (link)
