ഐ.സി.സി. യുടെ ആഭിമുഖ്യത്തിൽ നടത്തിയ ഒരു ഏകദിന ക്രിക്കറ്റ് ടൂർണമെന്റാണ് ഐ.സി.സി. ചാമ്പ്യൻസ് ട്രോഫി 2013. 2013 ജൂൺ 6 മുതൽ 23 വരെയാണ് ഈ ടൂർണമെന്റ് നടത്തപ്പെട്ടത്. ലണ്ടൻ, കാർഡിഫ്, ബിർമിങ്ഹാം എന്നിവിടങ്ങളിലായാണ് ഈ ടൂർണമെന്റ് നടത്തപ്പെട്ടത്. ഈ ടൂർണമെന്റിലെ വിജയികൾക്ക് ലഭിക്കുന്ന സമ്മാനത്തുക $2 മില്യനാണ്. ക്രിക്കറ്റ് ചരിത്രത്തിലെ ഏഴാമത്തെയും അവസാനത്തെയുമായ ചാമ്പ്യൻസ് ട്രോഫി ടൂർണമെന്റാണ് 2013ലേത്[1]. 2017ൽ ഐ.സി.സി. ലോക ടെസ്റ്റ് ചാമ്പ്യൻഷിപ്പ് ചാമ്പ്യൻസ് ട്രോഫിക്ക് പകരമായി നടത്തും എന്ന് കരുതപ്പെടുന്നു. ക്രിക്കറ്റ് കളിക്കുന്ന രാജ്യങ്ങളിലെ ഏറ്റവും മികച്ച് 8 ടീമുകളാണ് 2 ഗ്രൂപ്പുകളായി ഈ ടൂർണമെന്റിൽ പങ്കെടുക്കുത്തത്. 2013 ജൂൺ 23ന് ബിർമിങ്ഹാമിൽ നടന്ന ഫൈനലിൽ ഇംഗ്ലണ്ടിനെ 5 റൺസിന് തോല്പിച്ച് ഇന്ത്യ ജേതാക്കളായി. ഈ ടൂർണമെന്റിൽ ഏറ്റവും അധികം വിക്കറ്റുകൾ നേടിയതിനുള്ള ഗോൾഡൻ ബോൾ പുരസ്കാരം രവീന്ദ്ര ജഡേജയും, ഏറ്റവും അധികം റൺസ് നേടിയതിനുള്ള ഗോൾഡൻ ബാറ്റ് പുരസ്കാരവും, മാൻ ഓഫ് ദി ടൂർണമെന്റ് പുരസ്കാരവും ശിഖർ ധവനും നേടി
ചാമ്പ്യൻസ് ട്രോഫി ടൂർണമെന്റിനിടെ ഇംഗ്ലീഷ് ബാറ്റ്സ്മാൻ ജോ റൂട്ടിനെ ഒരു പബ്ബിൽ വെച്ച് കൈയ്യേറ്റം ചെയ്തതിന് ഓസ്ട്രേലിയൻ കളിക്കാരൻ ഡേവിഡ് വാർണറെ നിശ്ചിത കാലയളവിലേക്ക് ടീമിൽനിന്ന് പുറത്താക്കി.[4]
ഇംഗ്ലണ്ട്-ശ്രീലങ്ക ഗ്രൂപ്പ് ഘട്ട മത്സരത്തിനിടെ ഒരു ഇംഗ്ലീഷ് കളിക്കാരൻ റിവേഴ്സ് സ്വിങ് വരുത്താനായി പന്തിൽ കൃത്രിമം കാണിച്ചു എന്നാരോപിച്ച് മുൻ ഇംഗ്ലണ്ട് നായകൻ ബോബ് വില്ലിസ് രംഗത്തെത്തി. എന്നാൽ ഈ ആരോപണം ഇംഗ്ലണ്ട് കോച്ച് ആഷ്ലി ഗൈൽസ് തള്ളിക്കളഞ്ഞു.[5]
ഇംഗ്ലണ്ട്
വെയിൽസ്
ഇന്ത്യ (2-ആം തവണ)
ഓസ്ട്രേലിയ
ന്യൂസിലൻഡ്
പാകിസ്താൻ
ദക്ഷിണാഫ്രിക്ക
ശ്രീലങ്ക
വെസ്റ്റ് ഇൻഡീസ്