ബിരിയാണി
| ബിരിയാണി | |
|---|---|
| |
| ബിരിയാണി- കേരളീയ രീതിയിൽ | |
| ഉത്ഭവ വിവരണം | |
| ഉത്ഭവ രാജ്യം: | ഇന്ത്യ |
| പ്രദേശം / സംസ്ഥാനം: | ഏഷ്യ |
| വിഭവത്തിന്റെ വിവരണം | |
| പ്രധാന ഘടകങ്ങൾ: | അരി, ചിക്കൻ/ മട്ടൻ / ബീഫ്/ മുട്ട, സുഗന്ധവ്യഞ്ജനങ്ങൾ, പച്ചക്കറികൾ, നെയ്യ് |
അരി കൊണ്ടുണ്ടാക്കുന്ന ഒരു ഭക്ഷണവിഭവമാണ് ബിരിയാണി. അരി, ഇറച്ചി, സുഗന്ധവ്യഞ്ജനങ്ങൾ, പച്ചക്കറികൾ, തൈര്, നെയ്യ് എന്നിവയുടെ മിശ്രിതമാണ് ഈ വിഭവം. മധ്യപൂർവ ദേശങ്ങളിലും തെക്കൻ ഏഷ്യൻ രാജ്യങ്ങളിലും ഏറെ ആസ്വദിക്കപ്പെടുന്നു. പല രീതിയിൽ ബിരിയാണികൾ ഉണ്ടാക്കാവുന്നതാണ്‌. പ്രധാനമായും ചിക്കൻ, മട്ടൻ, മുട്ട എന്നീ ബിരിയാണികളാണ്‌ ഉള്ളത്. അറബി നാടുകളിൽ ഒട്ടകത്തിന്റേയും ഇന്ത്യപോലുള്ള രാജ്യങ്ങളിൽ ബീഫ്, ഫിഷ് എന്നീ ബിരിയാണികളും ഉണ്ട്.
സുഗന്ധവ്യഞ്ജനങ്ങളാണ് ബിരിയാണിയുടെ രുചി നിർണ്ണയിക്കുന്നതിലെ പ്രധാന ഘടകങ്ങൾ. ഗ്രാമ്പൂ, ഏലക്ക, കറുവാപ്പട്ട, മല്ലിയില, കറിയിലകൾ എന്നിവയാണ് ബിരിയാണിയിൽ പൊതുവേ ചേർക്കപ്പെടുന്ന സുഗന്ധവ്യഞ്ജനങ്ങൾ. നെയ്യ്, ഇഞ്ചി, ഉള്ളി, വെളുത്തുള്ളി, തൈര് എന്നിവയും പ്രധാന ചേരുവകളാണ്. അപൂർവമായി കുങ്കുമവും ചേർക്കപ്പെടുന്നുണ്ട്. സസ്യേതര ബിരിയാണിയിൽ സുഗന്ധവ്യഞ്ജനങ്ങൾക്കൊപ്പം കോഴി, താറാവ്, ആട്, മാട്, ബീഫ് എന്നിവയിൽ ഏതെങ്കിലുമൊന്നിന്റെ മാംസമാണ് ചേർക്കുന്നത്. മുട്ട ബിരിയാണിയും സുലഭമാണ്. പൂർണ്ണസസ്യ ബിരിയാണികളും ജനകീയമാണ്. ബിരിയാണി തയ്യാറാക്കാനുള്ള കൂട്ടുകൾ ഇപ്പോൾ കമ്പോളത്തിൽ ലഭ്യമായതിനാൽ ഇത് ഒരു ഞൊടിയിട വിഭവമായിട്ടുണ്ട്.
ഏഷ്യൻ രാജ്യങ്ങളിലും ഏഷ്യക്കാർ കുടിയേറിപ്പാർത്തിരിക്കുന്ന വിദേശ രാജ്യങ്ങളിലും ഏറെ പ്രചാരമുള്ള ആഹാരമാണ് ബിരിയാണി.
ധാരാളം ഊർജവും (കാലറിയും) കൊഴുപ്പും ചേർന്ന ഒരാഹാരമാണ് ബിരിയാണി. അരിയും നെയ്യും കൊഴുപ്പ് കൂടിയ മാംസവും ചേർന്നതായ ബിരിയാണി നിത്യേന ഉപയോഗിച്ചാൽ അത് ഗുരുതരമായ ആരോഗ്യ പ്രശ്നങ്ങളിലേക്ക് നയിക്കാറുണ്ട്. അതിനാൽ ഇവ മിതമായി ഉപയോഗിക്കുന്നതാവും ഉചിതം.
പേരിനു പിന്നിൽ
[തിരുത്തുക]വറുത്തത്, പൊരിച്ചത് എന്നൊക്കെ അർത്ഥമുള്ള “ബെറ്യാൻ” (بریان) എന്ന പേർഷ്യൻ വാക്കിൽ നിന്നാണ് “ബിരിയാണി” എന്ന പേരു ലഭിച്ചത്. ബിരിയാനി എന്നും പറയും
ചരിത്രം
[തിരുത്തുക]കേരളത്തിൽ പ്രാചീന കാലം മുതൽക്കേ അറേബ്യയുമായി വ്യാപാരബന്ധമുണ്ടായിരുന്നതിനാൽ കേരളത്തിലും ബിരിയാണിയും നെയ്ച്ചോറും പണ്ടു മുതൽക്കേ നിലവിൽ ഉണ്ടായിരുന്നു.
വിവിധയിനം ബിരിയാണികൾ
[തിരുത്തുക]- ഹൈദരാബാദി ബിരിയാണി
- തലശ്ശേരി ബിരിയാണി
- തലപ്പാക്കട്ടി ബിരിയാണി
പോഷകങ്ങൾ, ആരോഗ്യം
[തിരുത്തുക]ബിരിയാണി ആരോഗ്യകരമായ ഒരു ഭക്ഷണം ആണെന്ന് പറയാൻ സാധിക്കില്ല. അന്നജം ഏറെയുള്ള അരി ഉപയോഗിച്ച് കൊണ്ടുള്ള ചോറ്, കൊഴുപ്പടങ്ങിയ നെയ്യ്, ഉപ്പ് അടങ്ങിയ അച്ചാർ തുടങ്ങിയവയുള്ള ബിരിയാണി നിത്യേനയോ അമിതമായോ ഉപയോഗിച്ചാൽ അത് ആരോഗ്യത്തെ ഗുരുതരമായി ബാധിക്കുന്ന രോഗങ്ങളിലേക്ക് നയിക്കുന്നു.[അവലംബം ആവശ്യമാണ്] അതിനാൽ ബിരിയാണി ചോറ്, ചുവന്ന മാംസം, അച്ചാർ, പപ്പടം മുതലായവ മിതമായി ഉപയോഗിക്കുന്നതാണ് ഏറെ നല്ലത്. പ്രത്യേകിച്ച് പ്രമേഹം, അമിതവണ്ണം, അമിത കൊളസ്ട്രോൾ, ഹൃദ്രോഗം, രക്താദിസമ്മർദം മുതലായ രോഗങ്ങൾ ഉള്ള ബിരിയാണി കഴിക്കുമ്പോൾ മിതത്വം പാലിക്കേണ്ടതാണ് എന്ന് ആരോഗ്യ വിദഗ്ദർ അഭിപ്രായപ്പെടുന്നു.[അവലംബം ആവശ്യമാണ്]
എന്നാൽ കൊഴുപ്പ് കുറഞ്ഞ ഇറച്ചി, പച്ചക്കറികൾ, മുട്ട എന്നിവ അടങ്ങിയിരിക്കുന്നതിനാൽ ബിരിയാണി പോഷക സമൃദ്ധമാണ്. ഇതിൽ വിറ്റാമിനുകൾ, ധാതുക്കൾ, പ്രോടീൻ അഥവാ മാംസ്യം എന്നിവ അടങ്ങിയിരിക്കുന്നു. പ്രത്യേകിച്ച് മത്സ്യം, തൊലി നീക്കിയ കൊഴുപ്പ് കുറഞ്ഞ കോഴിയിറച്ചി, മുട്ട എന്നിവ ചേർന്നുള്ള ബിരിയാണി പോഷക സമ്പുഷ്ടമാണ് എന്ന് പറയാം.
ചിത്രശാല
[തിരുത്തുക]- ബിരിയാണിയുടെ ചിത്രങ്ങൾ
-
ഇറാക്കി ബിരിയാണി -
-
ബിരിയാണി തയ്യാറാക്കുന്നു -
തയ്യാറാക്കിയ കേരള ബിരിയാണി -
വെജിറ്റബിൾ ബിരിയാണി -
ചെമ്മീൻ ബിരിയാണി -
ബിരിയാണി ദം ഇടൽ പ്രക്രിയ. പാത്രത്തിന്റെ വക്കുകളിൽ മൈദ മാവ് കുഴച്ച് വെച്ച് അടപ്പു കൊണ്ട് അടച്ച് അടിയിലും മുകളിലും തീക്കനൽ ഇടുന്നതിനെയാണ് ദം ഇടൽ എന്ന് പറയുന്നത്. ബിരിയാനിക്ക് രുചി കൂടുന്നതിനാണ് ഇങ്ങനെ ചെയ്യുന്നത്. -
ബസ്മതി അരിയും കുങ്കുമവും ഉപയോഗിച്ച് ഉണ്ടാക്കിയ പേർഷ്യൻ ബിരിയാണി. -
പച്ചക്കറി ബിരിയാണി തിരുവനന്തപുരത്തുനിന്ന് -
ദം ബിരിയാണി -
ദം ബിരിയാണി
അവലംബം
[തിരുത്തുക]
പുറം കണ്ണികൾ
[തിരുത്തുക]
- www.potluck.meesai.com Archived 2007-06-02 at the Wayback Machine Chicken Biryani Recipe
- Numkitchen.com Archived 2006-11-10 at the Wayback Machine Chicken Biryani Recipe
- Eating the Pakistani way
- Pakistani recipe for Biryani
- Special Egg Biryani Recipe