പുലിക്കാട്

പുലിക്കാട് பழவேற்காடு புலிகேட் പഴവേർകാട്
പട്ടണം
പുലിക്കാട്
Coordinates: 13.416667°N 80.316667°E / 13.416667; 80.316667
Country	ഇന്ത്യ
സംസ്ഥാനം	തമിഴ്നാട്
Languages
• ഔദ്യോഗിക ഭാഷ	തമിഴ്
സമയമേഖല	UTC+5:30 (IST)

തമിഴ്നാട്ടിലെ തിരുവള്ളൂർ ജില്ലയിലുള്ള ഒരു തീരദേശ പട്ടണമാണ് പുലിക്കാട് അഥവാ പഴവേർകാട്. ചെന്നൈയിൽ നിന്ന് ഏകദേശം മൂന്ന് കിലോമീറ്റർ അകലെ ബംഗാൾ ഉൾക്കടലിന്റെ തീരത്തു സ്ഥിതിചെയ്യുന്ന ഈ പ്രദേശത്താണ് പ്രശസ്തമായ പുലിക്കാട് തടാകം സ്ഥിതിചെയ്യുന്നത്. ഈ തടാകം ഇന്ത്യയുടെ ഉപഗ്രഹ വിക്ഷേപണ ദ്വീപായ ശ്രീഹരിക്കോട്ടയെ ബംഗാൾ ഉൾക്കടലിൽ നിന്നും വേർതിരിക്കുന്നു.

ചരിത്രം

പുലിക്കാട് സ്ഥിതിചെയ്യുന്ന ഡച്ച് സെമിത്തേരി.

1502-ൽ വിജയനഗര ഭരണാധികാരികളുടെ അനുമതിയോടെ പോർച്ചുഗീസുകാർ പുലിക്കാട്ടിൽ വാണിജ്യം ആരംഭിക്കുകയും ഒരു കോട്ട നിർമ്മിക്കുകയും ചെയ്തു. 1609-ൽ ഡച്ചുകാർ പുലിക്കാട്ട് കോട്ട കൈവശപ്പെടുത്തി. 1622-ൽ അവർ പുലിക്കാട് നിർമ്മിച്ച ശ്മശാനം ഇപ്പോൾ ആർക്കിയോളജിക്കൽ സർവേ ഓഫ് ഇന്ത്യയുടെ നിയന്ത്രണത്തിലാണ്. 1690 വരെ ഡച്ച് അധീന തീരപ്രദേശത്തിന്റെ തലസ്ഥാനമായിരുന്നു ഈ പ്രദേശം. 1825-ൽ ബ്രിട്ടീഷുകാർ പുലിക്കാട് പിടിച്ചെടുത്ത് മദ്രാസ് പ്രവിശ്യയോടു കൂട്ടിച്ചേർത്തു.

ഭൂപ്രകൃതി

ആന്ധ്രാപ്രദേശിനും തമിഴ്നാടിനും ഇടയിൽ സ്ഥിതിചെയ്യുന്ന പുലിക്കാട്ട് തടാകത്തോടു ചേർന്നാണ് ഈ പ്രദേശം. എല്ലാവർഷവും പുലിക്കാട് പക്ഷിസങ്കേതത്തിൽ അരയന്നക്കൊക്ക് ഉൾപ്പെടെ നിരവധി പക്ഷികൾ ദേശാടനത്തിനെത്തുന്നു. ആദിനാരായണ പെരുമാൾ ക്ഷേത്രത്തിൽ എല്ലാവർഷവും ഏപ്രിൽ മാസത്തിൽ പ്രത്യേക ആഘോഷം നടക്കാറുണ്ട് .

പുറംകണ്ണികൾ

• പുലിക്കാട് വിനോദസഞ്ചാരം Archived 2014-09-06 at the Wayback Machine.