ഓണംതുള്ളൽ

കേരളത്തിലെ തനതായ ഒരു അനുഷ്ഠാന കലാരൂപമാണ് ഓണംതുള്ളൽ. നോക്കുവിദ്യ പാവകളി എന്ന പേരിലാണ് ഇപ്പോൾ ഈ കല കൂടുതൽ അറിയപ്പെടുന്നത്.

ചരിത്രം

തെക്കൻ കേരളത്തിൽ രൂപംകൊണ്ടതെന്നു കരുതപ്പെടുന്ന ഈ അനുഷ്ഠാനകല വേലൻ സമുദായക്കാരിലെ സ്ത്രീകളാണ് പൊതുവെ അവതരിപ്പിക്കാറുള്ളത്. തലയിൽ പ്രത്യേകതരം കിരീടം ധരിച്ചുകൊണ്ടുള്ള അവതരണത്തിൽ രണ്ടു സ്ത്രീകളാണ് തുള്ളൽ നടത്തുന്നത്. തിരുവിതാംകൂർ ഭരണാധികാരികൾ ഈ കലയെ ധാരാളമായി പ്രോത്സാഹിപ്പിച്ചിരുന്നു. ആദ്യകാലത്ത്, ഓണക്കാലത്ത് ഈ കലാരൂപം വ്യാപകമായി അരങ്ങേറിയിരുന്നു. രാജാക്കന്മാർ ഓണംതുള്ളൽ കലാകാരന്മാർക്ക് പട്ടും വളയും നല്കുന്ന പതിവുമുണ്ടായിരുന്നു. മൂഴിക്കൽ പങ്കജാക്ഷി, അവരുടെ കൊച്ചുമകൾ മൂഴിക്കൽ രഞ്ജിനി, ചെമ്പകക്കുട്ടി ഗോപാലൻ എന്നിവർ ഈ കലയിൽ അറിയപ്പെടുന്ന കലാകാരികളാണ്.

പുറത്തേക്കുള്ള കണ്ണികൾ

• കുട്ടനാട്ടിലെ വേലന്മാർ: കലകളും ജീവിതവും