കേരളത്തിലെ റവന്യൂ ഡിവിഷനുകൾ

Revenue divisions_of_Kerala

Revenue divisions_of_Kerala

കേരളത്തിൽ ജില്ലകൾക്ക് താഴെയായി റവന്യൂ ഡിവിനുകൾ ഉണ്ട്. ഒരു ഉപജില്ലക്ക് സമാനമാണ് ഒരു റവന്യൂ ഡിവിഷൻ. ഓരോ റവന്യൂ ഡിവിഷനിലും രണ്ടിൽ കൂടുതൽ താലൂക്കുകൾ ഉൾപ്പെടുന്നു. സബ് ഡിവിഷണൽ മജിസ്‌ട്രേറ്റ് കൂടിയായ ഒരു റവന്യൂ ഡിവിഷണൽ ഓഫീസറുടെ (ആർ.ഡി.ഒ.) നേതൃത്വത്തിലാണ് ഓരോ റവന്യൂ ഡിവിഷണൽ ഓഫീസും പ്രവർത്തിക്കുന്നത്. ഇന്ത്യൻ അഡ്മിനിസ്ട്രേറ്റീവ് സർവീസ് (ഐ.എ.എസ്.) കേഡരിൽനിന്നുള്ള ഉദ്യോഗസ്ഥരെയോ സംസ്ഥാന സർവീസിൽ നിന്നും ഡെപ്യൂട്ടി കളക്ടർ കേഡറിൽ നിന്നുളള ഉദ്യോഗസ്ഥരെയൊ റവന്യൂ ഡിവിഷണൽ ഓഫീസറായി നിയോഗിക്കുന്നു. നിലവിൽ കേരളത്തിൽ 27 റവന്യൂ ഡിവിഷനുകൾ ഉണ്ട്.

തിരുവനന്തപുരം

• തിരുവനന്തപുരം (ചിറയിൻകീഴ്, വർക്കല, നെയ്യാറ്റിൻകര, തിരുവനന്തപുരം എന്നീ താലൂക്കുകൾ ഉൾപ്പെടുന്നു.)
• നെടുമങ്ങാട് (കാട്ടാക്കട, നെടുമങ്ങാട് എന്നീ താലൂക്കുകൾ ഉൾപ്പെടുന്നു.)

കൊല്ലം

• കൊല്ലം (കുന്നത്തൂർ, കരുനാഗപ്പള്ളി, കൊല്ലം എന്നീ താലൂക്കുകൾ ഉൾപ്പെടുന്നു.)
• പുനലൂർ (പത്തനാപുരം, കൊട്ടാരക്കര, പുനലൂർ എന്നീ താലൂക്കുകൾ ഉൾപ്പെടുന്നു.)

പത്തനംതിട്ട

• അടൂർ (അടൂർ, കോന്നി, കൊഴെഞ്ചേരി എന്നീ താലൂക്കുകൾ ഉൾപ്പെടുന്നു.)
• തിരുവല്ല (റാന്നി, മല്ലപ്പള്ളി, തിരുവല്ല എന്നീ താലൂക്കുകൾ ഉൾപ്പെടുന്നു.)

ആലപ്പുഴ

• ചെങ്ങന്നൂർ (മാവേലിക്കര, കാർത്തികപ്പള്ളി, ചെങ്ങന്നൂർ എന്നീ താലൂക്കുകൾ ഉൾപ്പെടുന്നു.)
• ആലപ്പുഴ (കുട്ടനാട്, അമ്പലപ്പുഴ, ചേർത്തല എന്നീ താലൂക്കുകൾ ഉൾപ്പെടുന്നു.)

കോട്ടയം

• കോട്ടയം (ചങ്ങനാശ്ശേരി, കാഞ്ഞിരപ്പള്ളി, കോട്ടയം എന്നീ താലൂക്കുകൾ ഉൾപ്പെടുന്നു.)
• പാലാ (മീനച്ചിൽ, വൈക്കം എന്നീ താലൂക്കുകൾ ഉൾപ്പെടുന്നു.)

ഇടുക്കി

• ദേവികുളം (പീർമേട്, ഉടുമ്പൻചോല, ദേവികുളം എന്നീ താലൂക്കുകൾ ഉൾപെടുന്നു.)
• ഇടുക്കി (തൊടുപുഴ, ഇടുക്കി എന്നീ താലൂക്കുകൾ ഉൾപ്പെടുന്നു.)

എറണാകുളം

• ഫോർട്ട് കൊച്ചി (കണയന്നൂർ, കൊച്ചി, വടക്കൻ പറവൂർ, ആലുവ എന്നീ താലൂക്കുകൾ ഉൾപ്പെടുന്നു.)
• മുവാറ്റുപുഴ (കോതമംഗലം, മുവാറ്റുപുഴ, കുന്നത്തുനാട് എന്നീ താലൂക്കുകൾ ഉൾപെടുന്നു.)

തൃശ്ശൂർ

• തൃശ്ശൂർ (തലപ്പിള്ളി, കുന്നംകുളം, ചാവക്കാട്, തൃശ്ശൂർ എന്നീ താലൂക്കുകൾ ഉൾപെടുന്നു.)
• ഇരിഞ്ഞാലക്കുട (കൊടുങ്ങല്ലൂർ, മുകുന്ദപുരം, ചാലക്കുടി എന്നീ താലൂക്കുകൾ ഉൾപെടുന്നു.)

പാലക്കാട്

• ഒറ്റപ്പാലം (പട്ടാമ്പി, ഒറ്റപ്പാലം, മണ്ണാർക്കാട്, അട്ടപ്പാടി താലൂക്കുകൾ ഉൾപെടുന്നു.)
• പാലക്കാട് (പാലക്കാട്, ചിറ്റൂർ, ആലത്തൂർ എന്നീ താലൂക്കുകൾ ഉൾപെടുന്നു)

മലപ്പുറം

• പെരിന്തൽമണ്ണ (നിലമ്പൂർ, ഏറനാട്, പെരിന്തൽമണ്ണ എന്നീ താലൂക്കുകൾ ഉൾപെടുന്നു)
• തിരൂർ (കൊണ്ടോട്ടി, തിരൂരങ്ങാടി, തിരൂർ, പൊന്നാനി എന്നീ താലൂക്കുകൾ ഉൾപെടുന്നു)

കോഴിക്കോട്

• വടകര (വടകര, കൊയിലാണ്ടി എന്നീ താലൂക്കുകൾ ഉൾപെടുന്നു)
• കോഴിക്കോട് (താമരശ്ശേരി, കോഴിക്കോട് എന്നീ താലൂക്കുകൾ ഉൾപെടുന്നു)

വയനാട്

• മാനന്തവാടി (മാനന്തവാടി താലൂക്ക്, സുൽത്താൻ ബത്തേരി താലൂക്ക്, വൈത്തിരി എന്നീ താലൂക്കുകൾ ഉൾപെടുന്നു)

കണ്ണൂർ

1. തളിപ്പറമ്പ് (പയ്യന്നൂർ താലൂക്ക്, തളിപ്പറമ്പ് താലൂക്ക്, കണ്ണൂർ താലൂക്ക്)
2. തലശ്ശേരി (തലശ്ശേരി താലൂക്ക്, ഇരിട്ടി താലൂക്ക്)

കാസർഗോഡ്

1. കാസർഗോഡ് (മഞ്ചേശ്വരം, കാസർഗോഡ് എന്നീ താലൂക്കുകൾ ഉൾപെടുന്നു)
2. കാഞ്ഞങ്ങാട് (ഹൊസ്ദുർഗ്, വെള്ളരിക്കുണ്ട് എന്നീ താലൂക്കുകൾ ഉൾപെടുന്നു.)