മുകുർത്തി ദേശീയോദ്യാനം

ഇംഗ്ലീഷ് വിലാസം

https://ml.wikipedia.org/wiki/Mukurthi_National_Park

മുകുർത്തി ദേശീയോദ്യാനം Mukurthi National Park
National Park
കുന്നിൻചെരുവിലെ പുൽമേടുകളിൽ വരയാട്
മുകുർത്തി ദേശീയോദ്യാനം Location in Tamil Nadu, India
Coordinates: 11°16′N 76°28.5′E
രാജ്യം	India
സംസ്ഥാനം	തമിഴ്നാട്
ജില്ല	നീലഗിരി ജില്ല
സ്ഥാപിതം	12 ഡിസംബർ 2001
വിസ്തീർണ്ണം
• ആകെ	78.46 ച.കി.മീ.(30.29 ച മൈ)
ഉയരം	2,629 മീ(8,625 അടി)
ഭാഷകൾ
• ഔദ്യോഗികം	തമിഴ്
സമയമേഖല	UTC+5:30 (IST)
സമീപ നഗരം	ഊട്ടി
IUCN category	II
പ്രധാന ഇനങ്ങൾ	വരയാട് തമിഴ്നാടിന്റെ സംസ്ഥാന മൃഗം
Precipitation	6,330 മില്ലിമീറ്റർ (249 ഇഞ്ച്)
Avg. summer temperature	35 °C (95 °F)
Avg. winter temperature	0 °C (32 °F)
വെബ്സൈറ്റ്	www.forests.tn.nic.in/WildBiodiversity/np_muknp.html

ഇന്ത്യൻ സംസ്ഥാനമായ തമിഴ്നാട്ടിലെ വടക്ക് പടിഞ്ഞാറേ കോണിലുള്ള ഊട്ടകാമുണ്ട് മലമ്പ്രദേശത്തിന്റെ പടിഞ്ഞാറായി സ്ഥിതിചെയ്യുന്ന ദേശീയോദ്യാനമാണ് മുകുർത്തി ദേശീയോദ്യാനം. ഇത് നീലഗിരി പീഠഭൂമിയുടെ പടിഞ്ഞാറേ മൂലയിൽ പശ്ചിമഘട്ടത്തിലായി സ്ഥിതിചെയ്യുന്നു. ഈ ദേശീയോദ്യാനത്തിന്റെ വിസ്തൃതി 78.46 ചതുരശ്രകിലോമീറ്ററാണ്. നീലഗിരി താർ എന്ന ജീവി വർഗ്ഗത്തിനെ സംരക്ഷിക്കാനായാണ് ഈ ദേശീയോദ്യാനം നിർമ്മിച്ചിട്ടുള്ളത്.

ഈ ദേശീയോദ്യാനത്തിൽ ഉയരങ്ങളിൽ കാണപ്പെടുന്ന പുൽമേടുകളും കുറ്റിച്ചെടികളും ചോല വനങ്ങളും കാണപ്പെടുന്നു. വളരെ ഉയർന്ന പ്രദേശങ്ങളും നല്ല മഴയും ഐസാകുന്ന താപനിലയും ശക്തിയേറിയ കാറ്റുകളും ഈ പ്രദേശത്തിന്റെ പ്രത്യേകതയാണ്. ബംഗാൾ കടുവ, ഏഷ്യൻ ആന തുടങ്ങി വംശനാശഭീഷണിയുള്ള അനേകം വന്യജീവികളുടെ വാസസ്ഥമാണിവിടം. ഇവിടത്തെ പ്രധാന ജീവി വർഗ്ഗം നീലഗിരി താർ ആണ്. ഈ ദേശീയോദ്യാനം നേരത്തെ നീലഗിരി താർ ദേശീയോദ്യാനം എന്നാണ് അറിയപ്പെട്ടിരുന്നത്.

നീലഗിരി ജൈവമണ്ഡല സംരക്ഷിത പ്രദേശത്തിന്റെ ഭാഗമാണ് ഈ ദേശീയോദ്യാനം. ഇത് ഇന്ത്യയിലെ ആദ്യത്തെ അന്താരാഷ്ട്ര ജൈവമണ്ഡല സംരക്ഷിതപ്രദേശമാണ്. പശ്ചിമഘട്ടത്തിന്റെ ഭാഗമായതുകൊണ്ട് ഇത് 2012 ജൂലൈ 1 മുതൽ യുനെസ്കോ ലോകപൈതൃകസ്ഥാനമാണിത്.