ടൈഗർ നിശാശലഭം
| ടൈഗർ നിശാശലഭം Arctiidae | |
|---|---|
| |
| Harnessed Tiger Moth Apantesis phalerata | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Suborder: | |
| Superfamily: | |
| Family: | Arctiidae Leach, 1815
|
| Type species | |
| Arctia caja Linnaeus, 1758
| |
| Subfamilies | |
|
Arctiinae | |
| Diversity | |
| 1,400-1,500 genera Approximately 11,000 species | |
ലെപിഡോപ്റ്റെറ (Lepidoptera) ശലഭഗോത്രത്തിലെ ആർക്റ്റിഡേ (Arctiidae) കുടുംബത്തിന്റെ ഉപകുടുംബമായ ആർക്റ്റിനേ (Arctiinae)യിൽ ഉൾപ്പെടുന്ന ശലഭങ്ങളാണ് ടൈഗർ നിശാശലഭം എന്നറിയപ്പെടുന്നത്. ആഗോളവ്യാപകത്വമുള്ള ഈ ശലഭങ്ങൾക്ക് തടിച്ച ശരീരവും വർണാഭമായ ചിറകുകളുമാണുള്ളത്. തെക്കേ അമേരിക്കയിൽ മാത്രം ഇവയുടെ 125-ലധികം സ്പീഷീസുണ്ട്. 6,000 നിയോട്രോപിക്കൽ സ്പീഷീസുകൾ ഉൾപ്പെടെ 11,000 സ്പീഷീസുകളുടെ ലോകമെമ്പാടും കാണപ്പെടുന്ന നിശാശലഭങ്ങളുടെ വലുതും വൈവിധ്യപൂർണ്ണവുമായ ഉപകുടുംബമാണ് ആർക്റ്റിനൈ. (പണ്ട് കുടുംബത്തെ ആർക്റ്റിഡേ എന്ന് വിളിച്ചിരുന്നു)[1]
പ്രത്യേകതകൾ
[തിരുത്തുക]ടൈഗർ നിശാശലഭങ്ങളുടെ ചിറകുകൾക്ക് ഓറഞ്ചും കറുപ്പും നിറങ്ങളാണുള്ളത്. വെളുത്തനിറമുള്ള ചിറകിൽ കറുത്ത പൊട്ടുകളോ അടയാളങ്ങളോ വരകളോ ഉള്ള ചില അപൂർവ ഇനങ്ങളും കാണുന്നു. ഇത്തരം ശലഭങ്ങളധികവും സാധാരണ വലിപ്പം മാത്രമുള്ളവയാണ്. ചിറകുകൾക്ക് 25-75 മി.മീ. വിസ്താരമുണ്ടായിരിക്കും[2].
ശലഭങ്ങളുടെ പുഴുവിന്റെ ശരീരം നീളം കൂടിയ രോമം കൊണ്ട് ആവൃതമായിരിക്കും. മറ്റു ചിലയിനം പുഴുക്കളിലെ രോമങ്ങൾപോലെ ഇതിന്റെ രോമങ്ങൾ തുളച്ചു കയറാനോ കുത്താനോ ഉപയോഗപ്പെടുത്തുന്നവയല്ല. ടൈഗർ നിശാശലഭങ്ങളുടെ പുഴുക്കളെ സ്പർശിക്കുന്നത് അപകടകരമല്ല. സമാധിയിലെത്തുന്നതിനുമുമ്പ് പുഴുക്കൾ വദനഭാഗങ്ങളുടെ സഹായത്താൽ ഈ രോമങ്ങളെ നീക്കി, സിൽക്കിനോടൊപ്പം കൊക്കൂൺ നിർമ്മിക്കാനുപകരിക്കുന്നു. പുഴുക്കളധികവും വന്യ ഓഷധികൾ ഭക്ഷിച്ചു ജീവിക്കുന്നവയാണ്. വനവൃക്ഷങ്ങളുടേയും പഴവർഗസസ്യങ്ങളുടേയും ഇലകൾ ഭക്ഷിച്ചു ജീവിക്കുന്നവയും വിരളമല്ല. വ. അമേരിക്കയിൽ സാധാരണ കാണപ്പെടുന്നത് അപാന്റെസിസ് (Apantesis) ജീനസ്സിൽപ്പെടുന്ന ടൈഗർ നിശാശലഭങ്ങളാണ്. ഇവയുടെ ചിറകുകൾ കറുപ്പിൽ ഓറഞ്ചോ മഞ്ഞയോ നിറത്തിലുള്ള വരകളോ പുള്ളികളോ ഉള്ളവയായിരിക്കും. ഇംഗ്ലണ്ടിൽ കാണപ്പെടുന്ന ഇസബെല്ലാ ടൈഗർ നിശാശലഭങ്ങളുടെ പുഴുക്കൾക്ക് ചുവപ്പും കറുപ്പും രോമങ്ങൾ കാണപ്പെടുന്നു.
ചിത്രശാല
[തിരുത്തുക]- ചിത്രങ്ങൾ
-
-
Giant Leopard Moth, Hypercompe scribonia -
Magpie Moth, Nyctemera annulata -
Banded woolly bear, Pyrrharctia isabella -
-
Late instar of Milkweed tussock moth, Euchaetes egle
.jpg)
അവലംബം
[തിരുത്തുക]- ↑ Scoble, MJ. (1995). The Lepidoptera: Form, Function and Diversity. Second ed. Oxford University Press.
- ↑ http://entomology.ifas.ufl.edu/creatures/orn/spotted_oleander_caterpillar.htm
പുറത്തേക്കുള്ള കണ്ണികൾ
[തിരുത്തുക]
