തല്ലിമരം

തല്ലിമരം
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Magnoliophyta
Class:	Magnoliopsida
Order:	Myrtales
Family:	Combretaceae
Genus:	Terminalia
Species:	T. catappa
Binomial name
	Terminalia catappa; L.

ഇംഗ്ലീഷ് വിലാസം

https://ml.wikipedia.org/wiki/Terminalia_catappa

ഓടൽ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ഓടൽ (വിവക്ഷകൾ) എന്ന താൾ കാണുക.

മധ്യരേഖാപ്രദേശങ്ങളിൽ വ്യാപകമായി കണ്ടുവരുന്ന മരമാണ് ഇന്ത്യൻ ആൽമണ്ട് എന്നറിയപ്പെടുന്ന തല്ലിമരം (ശാസ്ത്രീയനാമം: Terminalia catappa). ഒരു ഉദ്യാന, തണൽ, മരുന്നു മരമാനിതു. മലയാളത്തിൽ അടമരം, ഇന്ത്യൻ ബദാം, ഓടൽ , കടപ്പ, തല്ലിത്തേങ്ങ എന്നെല്ലാം അറിയപ്പെടുന്നു. കേരളത്തിൽ പൊതുവേ ഇതിനെ ബദാം മരം എന്നാണു വിളിക്കുന്നത്, ഇതാണ് ബദാം എന്നൊരു തെറ്റിദ്ധാരണ പോലുമുണ്ട്. ആന്തമാൻ, മലേഷ്യൻ സ്വദേശിയാണ് ഈ വൃക്ഷം^[1].

രൂപവിവരണം

15-25 മീറ്റർ ഉയരവും 1-1.5 മീറ്റർ വ്യാസവും വയ്ക്കുന്ന ഒരു വലിയ മരമാണ് തല്ലി. ^[2]പൊഴിക്കുന്ന സമയമാവുമ്പോഴേക്കും ഇലകളുടെ നിറം പച്ചയിൽ നിന്നും ചുവപ്പ്, ചെമ്പ്, സ്വർണ്ണനിറമായി മാറുന്നത് വളരെ ഭംഗിയാണ്. ഇങ്ങനെ നിറം മാറുന്നത് violaxanthin, lutein zeaxanthin എന്നീ രാസപദാറ്ത്ഥങ്ങളുടെ സാന്നിധ്യം മൂലമാണ്. ^[3] നടുവിൽ നിന്നും സാധാരണ ഒരു തണ്ട് മുകളിലേക്കു 1-2 മീറ്റർ വളരുകയും അവിടെ നിന്നും നിലകൾപോലെ ഭൂമിയ്ക്ക് സമാന്തരമായി നിറയെ ശിഖരങ്ങൾ ഉണ്ടാവുകയുമാണു ചെയ്യുക, ഇതും ഈ മരത്തിന്റെ സവിശേഷതയാണ്. ടെർമിനാലിയ ജനുസ്സിലെ മറ്റു പല അംഗങ്ങളെയുംപോലെ ശിഖരത്തിന്റെ അറ്റത്താണ് തല്ലിമരത്തിനും ഇലയുണ്ടാവുക. വർഷത്തിൽ രണ്ടു തവണ ഇല പൊഴിക്കാറുണ്ട്. അതുകൊണ്ട് 2 വരണ്ട കാലാവസ്ഥയെ തരണം ചെയ്യാനാവുന്നു. 3-4 വയസ്സാവുമ്പോഴേ ആദ്യമായി ഇല പൊഴിക്കാറുള്ളൂ. വെളുത്തപൂക്കൾ നീണ്ട പൂക്കുലയായി കാണപ്പെടുന്നു. ആൺപൂക്കളും പെൺപൂക്കളും ഒരേ മരത്തിൽത്തന്നെ ഉണ്ടാവുന്നു. ഉണ്ടാവുമ്പോൾ പച്ച നിറത്തിലുള്ള, 2 ഇഞ്ചോളം വലിപ്പമുള്ള പരന്ന കായകൾ മൂക്കുമ്പോഴേക്കും ചുവപ്പും പർപ്പിളുമായി മാറുന്നു. മധ്യരേഖാസ്ഥലങ്ങളിലെ മറ്റു വൃക്ഷങ്ങളെപ്പോലെ വലിപ്പം നിയന്ത്രിച്ച് ഏറെനാൾ വളർത്താൻ ചട്ടികളിലാക്കി തല്ലിമരത്തിനെയും വളർത്താൻ കഴിയും.

വിത്തുവിതരണം

ജലത്തിലൂടെയാണ് പൊതുവേ വിത്തുവിതരണം നടക്കുന്നത്. പുറത്തെ തൊലിക്കുള്ളിൽ കട്ടിയുള്ള നാരടങ്ങിയ ഒരു മറ്റൊരു ആവരണം കൂടിയുണ്ട് കായകൾക്ക്. ഇത് വിത്തിനെ വെള്ളത്തിൽ പൊങ്ങിക്കിടക്കാൻ സഹായിക്കുന്നു. വവ്വാലുകൾ ഈ പഴം കടിച്ച് ചവച്ച് നീരെടുത്ത് തുപ്പുന്നതുവഴിയും വിത്തുവിതരണം നടക്കുന്നു. ക്രാക്കത്തൂവ ദ്വീപിൽ ഞണ്ട് വഴി വിത്തുവിതരണം നടക്കുന്നതായി കണ്ടിട്ടുണ്ട്. ഒരു കിലോഗ്രാമിൽ ഏതാണ്ട് 24 കായകൾ ഉണ്ടാവും, കുരുക്കളാണെങ്കിൽ ഏതാണ്ട് 160 എണ്ണവും.

ഉപയോഗങ്ങൾ

വിത്ത് ഭക്ഷ്യയോഗ്യമാണ്. വിത്തിൽ പൊട്ടാസ്യം, കാൽസ്യം, മഗ്നീഷ്യം,സോഡിയം എന്നിവ അടങ്ങിയിരിക്കുന്നു. ^[4] കായ പൊട്ടിച്ചെടുക്കാൻ വിഷമമാണ്. ഉള്ളിലുള്ള ചെറിയ വിത്തിന് ബദാമിന്റെ രുചിയാണ്. വിത്ത് ആട്ടിയെടുക്കുന്ന എണ്ണ പാചക എണ്ണയായി തെക്കെ അമേരിക്കയിൽ ഉപയോഗിക്കുന്നുണ്ട്. വിത്തിൽ 51.2 % എണ്ണയുണ്ട്. എണ്ണയിൽ അടങ്ങിയിരിക്കുന്നത് 54% olein -ഉം pamitin - ഉം പിന്നെ 46 % stearin -ഉം ആണ്. ^[5] മറ്റു നല്ല തടികൾ കിട്ടത്ത ഇടങ്ങളിൽ ഇതിന്റെ തടി വണ്ടികളും ചക്രങ്ങളും തൂണുകളും ഉണ്ടാക്കാൻ ഉപയോഗിച്ചു വരുന്നു. തടിയിൽ നിന്നും ഇലയിൽ നിന്നും കായിൽ നിന്നും punicalin, punicalagin, tercatein എന്നീ ടാനിനുകൾ ലഭിക്കുന്നു.

ശുദ്ധജല അക്വേറിയത്തിൽ ഇവയുടെ ഉണങ്ങിയ ഇല അക്വേറിയത്തിലെ വെള്ളത്തിന്റെ പി ഏച്ച് നില നിയന്ത്രിക്കാൻ ഉപയോഗിച്ച് വരുന്നു. ഇവ മീനുകളിൽ കാണുന്ന പുപ്പൽ, വൈറസ്സുകൾ, ബാക്റ്റീരിയാ രോഗത്തിനും പ്രോട്ടോസോവൻ, പരോപജീവികൾ എനിവയ്ക്ക് എതിരെയും ഉപയോഗിക്കുന്നു. ^[6]^[7]

ഔഷധഗുണങ്ങൾ

ഇലകളും തടിയും കായും എല്ലാം പലനാട്ടിലും പലവിധ ഔഷധങ്ങളായി ഉപയോഗിക്കുന്നു. വയറിളക്കം, വാതം, ചുമ, കുഷ്ടം, തലവേദന, വിര, കണ്ണുരോഗം, മുറിവുകൾ ഇങ്ങനെ നാട്ടുവൈദ്യത്തിൽ തല്ലി ധാരാളമായി ഉപയോഗിക്കുന്നു.

മറ്റു പാരിസ്ഥിതിക ഗുണങ്ങൾ

പലതരം കടിക്കുന്നതും കുത്തുന്നതുമായ ഉറുമ്പുകൾ തല്ലിമരത്തിന്റെ തുളയുള്ള ചില്ലകളിൽ ജീവിക്കുന്നു. ഇങ്ങനെ ജീവിക്കാൻ അവസരം കിട്ടുന്നതിനു പ്രത്യുപകാരമായി മറ്റു പ്രാണികൾ ഈ മരത്തിനെ ആക്രമിക്കാതെ ഈ ഉറുമ്പുകൾ തടയുന്നു. ^[8] (ഇങ്ങനെയുള്ള പാരസ്പര്യത്തിന് myrmecophily എന്നാണു പറയുന്നത്.) മണ്ണൊലിപ്പിനെ തടയാൻ വളരെ ഫലപ്രദമായ തല്ലിമരം അക്കാരണം കൊണ്ട് തീരപ്രദേശങ്ങളിൽ നട്ടുവളർത്താറുണ്ട്. അമേരിക്കയടക്കം പല രാജ്യങ്ങളിലും ഈ മരത്തിനെ ഒരു അധിനിവേശ സ്പീഷിസായാണ് കണക്കാക്കുന്നത്. എങ്കിലും ആഴത്തിലിറങ്ങുന്നതും ധാരാളമായി വേരുള്ളതുമായ തല്ലിമരം തീരസംരക്ഷണത്തിനും തൽഫലമായി കടൽനിരപ്പ് ഉയരുന്നതിനുമെതിരെ ഒരു അനുഗ്രഹമായി കരുതിവരുന്നു. കാറ്റിനേയും ഉപ്പുവെള്ളത്തിനെയും അതിജീവിക്കാനുള്ള കഴിവുമുണ്ട്. വളരുവാൻ കാര്യമായ പരിചരണവും ആവശ്യമില്ല. ബ്രസീലിൽ ഇതിനെ ഒരു ജൈവഡീസൽ ഉണ്ടാക്കാനുതകുന്ന സസ്യമായി പരിഗണിച്ചു വരുന്നു. പട്ടുനൂൽപുഴുവിനും മറ്റു മൃഗങ്ങൾക്കും ഭക്ഷണമായി ഇതിന്റെ ഇലകൾ ഉപയോഗിക്കാം.^[9] കോഗൺ ഗ്രാസ്സ് എന്ന കളയെ ഒഴിവാക്കാൻ അവിടെ തല്ലി നട്ടാൽ മതി. ^[10]

ചിത്രശാല

ഇന്ത്യൻ ബദാം
ഇന്ത്യൻ ബദാം തൊലി നീക്കിയത്
ഇന്ത്യൻ ബദാം - പൂവ്
ഇന്ത്യൻ ബദാം - കായ
ഇന്ത്യൻ ബദാം മരം
Terminalia catappa - Museum specimen

അവലംബം

↑ "ആർക്കൈവ് പകർപ്പ്". Archived from the original on 2012-01-06. Retrieved 2012-10-23.
↑ "ആർക്കൈവ് പകർപ്പ്". Archived from the original on 2012-01-17. Retrieved 2012-10-23.
↑ http://www.tropilab.com/terminalia-cat.html
↑ http://www.stuartxchange.org/Talisay.html
↑ http://www.aminaherbs.com/product.php?id_product=351^{[പ്രവർത്തിക്കാത്ത കണ്ണി]}
↑ http://www.theaquariumwiki.com/Terminalia_catappa
↑ "ആർക്കൈവ് പകർപ്പ്". Archived from the original on 2012-07-08. Retrieved 2012-10-24.
↑ "ആർക്കൈവ് പകർപ്പ്". Archived from the original on 2011-02-26. Retrieved 2012-10-23.
↑ "ആർക്കൈവ് പകർപ്പ്". Archived from the original on 2012-11-16. Retrieved 2012-10-23.
↑ "ആർക്കൈവ് പകർപ്പ്". Archived from the original on 2012-01-17. Retrieved 2012-10-23.

പുറത്തേക്കുള്ള കണ്ണികൾ

കവാടം:ജീവശാസ്ത്രം

[1] "ആർക്കൈവ് പകർപ്പ്". Archived from the original on 2012-01-06. Retrieved 2012-10-23.

[2] "ആർക്കൈവ് പകർപ്പ്". Archived from the original on 2012-01-17. Retrieved 2012-10-23.

[3] ttp://www.tropilab.com/terminalia-cat.html

[4] ttp://www.stuartxchange.org/Talisay.html

[5] ttp://www.aminaherbs.com/product.php?id_product=351^{[പ്രവർത്തിക്കാത്ത കണ്ണി]}

[6] ttp://www.theaquariumwiki.com/Terminalia_catappa

[7] "ആർക്കൈവ് പകർപ്പ്". Archived from the original on 2012-07-08. Retrieved 2012-10-24.

[8] "ആർക്കൈവ് പകർപ്പ്". Archived from the original on 2011-02-26. Retrieved 2012-10-23.

[9] "ആർക്കൈവ് പകർപ്പ്". Archived from the original on 2012-11-16. Retrieved 2012-10-23.

[10] "ആർക്കൈവ് പകർപ്പ്". Archived from the original on 2012-01-17. Retrieved 2012-10-23.

[1]

[2]

[3]

[4]

[5]

[6]

[7]

[8]

[9]

[10]

ക സ തി കേരളത്തിലെ മരങ്ങൾ
കേരളത്തിൽ കാണപ്പെടുന്ന മരങ്ങൾ അക്ഷരമാല ക്രമത്തിൽ
അ - ആ	അകിൽ • അക്കേഷ്യ • അകത്തി • അങ്കോലം • അത്തി • അമ്പഴം • അരണമരം • അരയാഞ്ഞിലി • അരയാൽ • അരിനെല്ലി • അലക്കുചേര് • അശോകം • ആഞ്ഞിലി • ആത്ത • ആനത്തൊണ്ടി • ആനെക്കാട്ടിമരം • ആമത്താളി • ആരംപുളി • ആൽമരം • ആവൽ • ആഴാന്ത • ആറ്റിലിപ്പ • ആറ്റുതേക്ക് • ആറ്റുനൊച്ചി • ആറ്റുഞാവൽ • ആറ്റുമയില • ആറ്റുവഞ്ചി •
ഇ- ഓ	ഇത്തി • ഇത്തിയാൽ • ഇരുമ്പകം • ഇരുൾ • ഇലഞ്ഞി • ഇലന്ത • ഇലപ്പൊങ്ങ് • ഇലവ് • ഇലിപ്പ • ഈന്തപ്പന • ഈഴചെമ്പകം • ഉങ്ങ് • ഉദി • ഉന്നം • എണ്ണപ്പന • എണ്ണപ്പൈൻ • എരുമനാക്ക് • ഏഴിലം‌പാല • ഒതളം • ഒടുക്ക് • ഓടമരം •
ക	കടുക്ക • കണിക്കൊന്ന • കമ്പകം • കമ്പിളി • കരിങ്ങാലി • കരിങ്ങോട്ട • കരിന്തകര • കരിമരം • കരിമരുത് • കരിഞ്ഞാവൽ • കരിഞ്ഞിക്കട • കരിമ്പന • കരിവേങ്ങ • കരുവാളി • കരിവേലം • കല്ലാവി • കൽ‌പ്പൈൻ • കല്ലാൽ • കല്ലിലവ് • കൽമരം • കശുമാവ് • കറുത്തവാറ്റിൽ • കർപ്പൂരം • കാഞ്ഞിരം • കാട്ടീന്ത • കാട്ടുകടുക്ക • കാട്ടുകമുക് • കാട്ടുകൊന്ന • കാട്ടുതുവര • കാട്ടുതേയില • കാട്ടുപുന്ന • കാട്ടുമരോട്ടി • കാനപ്പാല • കാരക്കൊങ്ങ് • കാരപ്പൊങ്ങ് • കാരമരം • കാരാഞ്ഞിലി • കാരാൽ • കാരി • കാവളം • കാറ്റാടി മരം • കുങ്കുമപ്പൂമരം • കുടപ്പന • കുടംപുളി • കുടമാൻപാരിമരം • കുണ്ഡലപ്പാല • കുരങ്ങുമഞ്ഞൾ • കുമ്പിൾ • കുളപ്പുന്ന • കുളമാവ് • കൂനമ്പാല • കൂവളം • കൃഷ്ണനാൽ • കൊക്കോ • കോർക്കുമരം • കോവിദാരം •
ഗ - ഞ	ഗുൽഗുലു • ഗുൽ‌മോഹർ • ചടച്ചി • ചന്ദനം • ചന്ദനവേമ്പ് • ചരക്കൊന്ന • ചാവണ്ടി • ചിന്നകിൽ • ചിറ്റാൽ • ചീനി • ചുരുളി • ചുവന്നകിൽ • ചുവന്ന മന്ദാരം • ചൂണ്ടപ്പന • ചെമ്പകം • ചെമ്മരം • ചെറുകൊന്ന • ചെറുതുവര • ചെറുപുന്ന • ചേര് • ചോരപ്പൈൻ • ചോലവേങ്ങ • ജാതി • ജാക്കറാന്ത • ഞമ • ഞാവൽ • ഞാറ • ഞാഴൽ •
ത - ന	തണൽമുരിക്ക് • തണ്ടിടിയൻ • തണ്ണിമരം • തമ്പകം • താന്നി • തിരുക്കള്ളി • തീറ്റിപ്ലാവ് • തുടലി • തെള്ളിമരം • തെള്ളിപ്പൈൻ • തെണ്ട് • തൊണ്ടി • തേക്ക് • തേക്കൊട്ട • തേരകം • ദന്തപത്രി • നരിവേങ്ങ • നവതി • നാഗമരം • നാങ്ക് • നായ്ക്കമ്പകം • നായ്‌ക്കുമ്പിൾ • നായ്‌ത്തമ്പകം • നീരാൽ • നീർക്കടമ്പ് • നീർക്കുരുണ്ട • നീർമരുത് • നീർമാതളം • നീർവാക • നീർ‌വാളം • നീറോലി • നെടുനാർ • നെന്മേനിവാക • നെല്ലി •
പ	പച്ചവാറ്റിൽ • പച്ചിലമരം • പഞ്ഞിമരം • പടപ്പ • പട്ടിപ്പുന്ന • പട്ടുതാളി • പതിമുകം • പനച്ചി • പമ്പരകുമ്പിൾ • പമ്പരം • പരുവ • പരുവമരം • പലകപ്പയ്യാനി • പവിഴമല്ലി • പശക്കൊട്ടമരം • പാച്ചോറ്റി • പാതിരി • പാരിജാതം • പാല • പാലി • പാറപ്പൂള • പിണർ • പിനാറി • പീലിവാക • പുന്ന • പുന്നപ്പ • പുളിച്ചക്ക • പുളി • പുളിവാക • പൂതംകൊല്ലി • പൂത്തിലഞ്ഞി • പൂപ്പാതിരി • പൂവം • പൂവരശ്ശ് • പെരുമരം • പെരുമ്പൽ • പേര • പേരാൽ • പേഴ് • പൈൻ • പൊരിപ്പൂവണം • പൊട്ടവാക • പൊരിയൻ • പൊന്തൻവാക • പ്ലാവ് • പ്ലാശ് •
ഫ - മ	ബദാം • ബാൽസ • ബ്ലാങ്കമരം • മഞ്ചാടി • മഞ്ജനാത്തി • മഞ്ഞക്കടമ്പ് • മഞ്ഞക്കൊന്ന • മഞ്ഞമന്ദാരം • മട്ടിമരം • മണിമരുത് • മതഗിരിവേമ്പ് • മരോട്ടിമരം • മലങ്കാര • മലന്തുടലി • മലന്തെങ്ങ് • മലമഞ്ചാടി • മലമ്പരത്തി • മലമ്പുന്ന • മലമ്പുളി • മലമ്പൊങ്ങ് • മലമന്ദാരം • മലയകത്തി • മലവിരിഞ്ഞി • മലവേമ്പ് • മഹാഗണി • മഴമരം • മാഞ്ചിയം • മാതളം • മഴുക്കാഞ്ഞിരം • മാവ് • മുഞ്ഞ • മുരിക്ക് • മുള • മുള്ളുവേങ്ങ • മുള്ളിലം • മുള്ളിലവ് • മൂങ്ങാപ്പേഴ് • മൂട്ടികായ് • മൈല •
യ - സ	യൂക്കാലിപ്റ്റ്സ് • രക്തചന്ദനം • രുദ്രാക്ഷം • വയില • വക്ക • വഞ്ചി • വട്ട • വട്ടക്കുമ്പിൾ • വഴന • വരച്ചി • വരിമരം • വല്ലഭം • വിടന • വിരി • വില്ലൂന്നി • വിളാത്തിമരം • വീട്ടി • വീമ്പ് • വെങ്കടവം • വെടങ്കുരുണ • വെടിനാർ • വെടിപ്ലാവ് • വെൺമുരിക്ക് • വെന്തേക്ക് • വെള്ളക്കടമ്പ് • വെള്ളദേവതാരം • വെള്ളപ്പൈൻ • വെള്ളമരുത് • വെള്ളകിൽ • വെള്ളവാക • വെള്ളവാറ്റിൽ • വെള്ളവേലം • വെള്ളീട്ടി • വേങ്ങ • വേപ്പ് • വ്രാളി • ശീമപ്ലാവ് • ശീമപ്പഞ്ഞി • ശീമപ്പൂള • ശിംശപ • സിൽവർ ഓക്ക് • സുബാബുൽ • സ്കൂട്ട്മരം •